Lucas 12:1 - Chayahuita (Shahui)

¹ Huaꞌhuayatërahuëꞌ piyapiꞌsaꞌ niyontonpi Quisoso natanacaiso marëꞌ. Naꞌa huaranca yamorapi niꞌton, niyaꞌquëtapi. Caꞌtanoꞌsanënpita aꞌchintaton, itapon: “Tëhuënchachin iyaroꞌsaꞌ, parisioroꞌsaꞌ yanonpinpi. Napoaton aꞌchinpisoꞌ, pan ahuëpocatërinso pochin niconaton aꞌnaroáchin piyapiꞌsaꞌ yanonpintopi. Niꞌcona nonpintochinënquëmaꞌ.

Lucas 12:1 ပူးပေါင်းရင်းမြစ်များ

Isaías 33:14

Quirosarin oshahuanoꞌsasoꞌ, paꞌyanapi. Yaꞌipi inpioroꞌsanta paꞌyanatonaꞌ: “Siniorosoꞌ, pën maꞌsha ahuiquitërinso pochin ninin. Yaꞌhuëmiatërinso pën pochin niꞌton, ¡Sinioro anaꞌintërinquësoꞌ, pën yaꞌhuëmiataton yaꞌipi ahuiquitërin! ¡Co inquënpoa tërantaꞌ, inaquë yaꞌhuëcaso nanichitërihuahuëꞌ!” tapona.

Lucas 11:44

¡Maꞌhuantacha canpitasoꞌ nisarama paya! Chimipi paꞌpitopiso pochin niconamaꞌ. Co corosë acotohuachinarahuëꞌ, acopoꞌ co nishinahuënꞌ nisarinso co nitotatonaraihuëꞌ, piyapiꞌsari iꞌnatopi,” itërin Quisosori parisioroꞌsaꞌ nontaton.

Lucas 12:56

Canpitasoꞌ nonpintënquëmaꞌ. Oꞌnan, sëhuën, inapita noya ninopiramahuëꞌ, ¿onpoatontaꞌ ipora chachin naporahuësopita co yonquiramahuëꞌ?” itërin.

Lucas 5:1

Ina quëran Quisoso Quinisariti sonoꞌ yonsanquë aꞌchinarin. Naꞌa piyapiꞌsaꞌ yamorapi. Yosë nanamën natanacaiso marëꞌ huëꞌpi. Chiníquën yaꞌquëëtopi.

Lucas 5:15

Napotopirinhuëꞌ, yaꞌipi parti nahuinin. Ina quëran huaꞌhuayátërahuëꞌ piyapiꞌsaꞌ huëꞌpi Quisoso natanacaiso marëꞌ. Caniaꞌpiroꞌsantaꞌ huëꞌpi anoyatacaso marëꞌ.

Lucas 6:17

Inapitarëꞌ nohuaraimarahuaton, pastoquë huanirin. Naꞌa imarinsopita inaquë yaꞌhuapi. Notohuaroꞌ piyapiꞌsantaꞌ huëꞌpi Quisoso natanacaiso marëꞌ. Quirosarin quëran huëꞌpi. Yaꞌipi Cotia parti quëran huëꞌpi. Marë yonsan quëraontaꞌ huëꞌpi. Tiro, Siton, inapita yaꞌcariya yaꞌhuëpisopitantaꞌ huëcatonaꞌ, noya natanpi. Caniaꞌpiroꞌsantaꞌ quëpi anoyatacaso marëꞌ.

Hechos 21:20

Natanahuatonaꞌ, “Ma noyacha Yosësoꞌ niꞌton, nisha piyapiꞌsantaꞌ imasapi paya,” topi aꞌnaya aꞌnaya. Ina quëran itantapi: —Noya iyasha nipirinhuëꞌ, isëquë naꞌa huaranca cotioroꞌsaꞌ Quisoso imaponaraihuëꞌ, Moisësë iráca pënëntërinsoꞌ yanatëpi antaꞌ. “Inantaꞌ natëcasoꞌ yaꞌhuërin,” topi.

1 Corintios 15:3

Yaꞌnan aꞌchintaponquëmaꞌ, Yosë anitotërincoso chachin shaꞌhuitëranquëmaꞌ: “Oshanënpoaꞌ inquitinpoaso marëꞌ Quisocristo chiminin,” itëranquëmaꞌ. Iráca Yosë quiricanën quëran ninorinso chachin chiminin.

Hebreos 12:22

Canpoaso nipirinhuëꞌ, co ina motopi yaꞌcarirëhuahuëꞌ. Quisocristo imapatëhuaꞌ, nisha motopi yaꞌcarirëhuaꞌ, Sion itopisoꞌ. Yosë chachin nohuitarihuaꞌ. Co ipora quënanpirëhuahuëꞌ, nanpiárin. Aꞌna tahuëri yaꞌhuërinquë chachin pantarihuaꞌ. Nasha Quirosarinquë yaꞌhuëcontarihua huachi. Notohuaroꞌ anquëniroꞌsaꞌ inaquë niyontonpi. Noya cancantatonaꞌ, Yosë chinotapi.

Santiago 3:17

Yosëso nipirinhuëꞌ, noꞌtëquën ayonquirinpoaꞌ. Ina catahuahuachinpoaꞌ, noyápiachin cancantarihuaꞌ. Co mantaꞌ noꞌhuitarihuahuëꞌ. Sanoanan quëran nontarihuaꞌ. Aꞌnapita pënënpachinpoaꞌ, noya natanarihuaꞌ. Piyapiꞌsaꞌ nosoroarihuaꞌ. Naporahuaton noyasáchin nisarëhuaꞌ. Co nisha nisha yonquiarihuahuëꞌ. Co nonpintarihuahuëꞌ. Yosëíchin catahuarinpoaꞌ ina pochin cancantacasoꞌ.

1 Pedro 2:1

Yaꞌipi co noyahuëꞌ yonquiramasopita naniantocoꞌ. Ama iyaroꞌsaꞌ ninonpintocosohuëꞌ. Aꞌnaquën noyasha nonaponaraihuëꞌ, poꞌoana quëran co noyahuëꞌ nipi. Ama ina pochin nicosohuëꞌ. Yaꞌipi cancanëma quëran noꞌtëquën ninontocoꞌ. Aꞌnapita noya yaꞌhuëhuachinaꞌ, ama noyapatocosohuëꞌ. Ama pinotocosohuëꞌ.