Lucas 11:7 - Chayahuita (Shahui)

⁷ Yono tashiꞌ niꞌton, co nohuantaponhuëꞌ nimara. “Paquëꞌ iyasha. Nani yaꞌcoana oncotërahuë. Huiꞌnahuëpitantaꞌ huëꞌësápi. Co nanitërahuëꞌ quëtaꞌhuanquënsoꞌ,” tapon nimara.

Lucas 11:7 ပူးပေါင်းရင်းမြစ်များ

Mateo 25:10

Napotohuachinara, aꞌnatërápo chachin manotona paꞌpi quirosin pochin nininsoꞌ paꞌanaponaꞌ. Paꞌpirinahuëꞌ, coꞌhuara huëntayátërasoihuëꞌ, huaꞌan canquirin. Aꞌnatërápo nanoꞌsaꞌ noya yonquirinsopitasoꞌ imatonaꞌ, pëiquë yaꞌconpi. Inaquë saꞌacaso marëꞌ pita nisapi. Nani yaꞌconpachinara, oncotopi.

Lucas 11:6

Nipayaraisoꞌ huëꞌpirinhuëꞌ, co mantaꞌ aꞌcaꞌhuasoꞌ yaꞌhuëtërincohuëꞌ,” tënëꞌ.

Lucas 11:8

Nipayarinsoꞌ niponahuëꞌ, co nohuantopiriontaꞌ, naquëranchin naquëranchin nitantahuachina, huënsëintarahuaton, quëtapon.

Lucas 13:25

Aꞌna tahuëri huaꞌanëni yaꞌcoananën oncotarin huachi. Naporo huarëꞌ aipiran huanirahuatomaꞌ, yayaꞌconpiramahuëꞌ. “Iꞌsoatocoi Sinioro,” tosapiramahuëꞌ, co nohuantarinhuëꞌ. “Co nohuitëranquëmahuëꞌ. Co canpitasoꞌ piyapinëhuëpitanquëmahuëꞌ,” itarinquëmaꞌ.

Lucas 7:6

Ina natanahuaton, inapitarëꞌ paꞌnin. Capitan pëinënquë yaꞌcaritërahuasoꞌ, amiconënpitari nacapipi. Capitani aꞌparin Quisoso nontacaiso marëꞌ. “Capitan nanan aꞌpatërinquënsoꞌ shaꞌhuichinquën. Naporin: ‘Casoꞌ Sinioro nontaponquën yapaꞌpirahuëꞌ. Tapanato, co paꞌnahuëꞌ. Co casoꞌ quëma pochin noyacohuëꞌ. Co pëinëhuëquë tërantaꞌ yaꞌconamasoꞌ yaꞌhuërinhuëꞌ. Topinan camaiquëꞌ piyapinëhuë noyachin.

Gálatas 6:17

Quisocristo noꞌtëquën natërahuë niꞌton, ahuërinaco. Ipora huanta pëꞌsharinaco niꞌton, cariroꞌsaꞌ yaꞌhuëarin. Napoaton ama insontaꞌ aquëtë huarëꞌ asëchincosohuëꞌ tënahuë.