Lucas 11:27 - Chayahuita (Shahui)

²⁷ Naꞌa piyapiꞌsaꞌ natanapi. Aꞌna sanapisoꞌ natanahuaton, itërin: —Ma noya aꞌchintërancoi. Mamaparinquën huaꞌhuarinquën niꞌton, ma noya Yosëri niꞌnin. ¡Asoꞌsorinquën niꞌton, nóya cancanchin! tënahuë, tënin chiníquën nonaton.

Lucas 11:27 ပူးပေါင်းရင်းမြစ်များ

Proverbios 23:25

Ina huiꞌnapi pochin niquë quëmantaꞌ. Inapohuatan, tataparin, mamaparin, inapita noya cancantaponaꞌ. “Ma noyacha huiꞌnahuë yaꞌhuëtërinco paya,” tëcapon tataparin. “Ma noyacha huaꞌhuahuë yaꞌhuëtërinco paya,” tëcapon mamaparintaꞌ.

Lucas 1:28

Anquëni oꞌmarahuaton, Maria itapon: —Iꞌhuata Maria. Sinioro noya niꞌninquën. Ina chachin catahuarinquën, itërin.

Lucas 1:42

paꞌyataton, chiníquën itapon: —Iꞌhuata huaꞌhuataꞌhua. ¡Ma noya Yosë catahuarinquën! Aꞌnapita sanapiꞌsa quëran noya noya niꞌninquën. Huaꞌhuaontaꞌ noya noya niꞌsarin.

Lucas 1:48

Topinan piyapico nipirahuëꞌ, yonquirinco. Ipora quëran huarëꞌ naꞌa piyapiꞌsaꞌ nohuitarinaco. ‘Ma noyacha Yosëri catahuarin paya,’ tosapi.

Lucas 11:26

Napoaton paantarahuaton, canchisë sopairoꞌsaꞌ aquë aquëtëꞌ co noyahuëꞌ nipisopita maantarin. Posa sopairoꞌsari chachin quëmapi yaꞌcoancantantapi. Inaquë yaꞌhuápi. Quëmapi aquë aquëtëꞌ co noyahuëꞌ yonquirin huachi,” itërin.

Lucas 23:29

Naporoꞌ tahuëriꞌsaꞌ huaꞌhuahuaninsopita naꞌcon naꞌcon parisitapi. Huaꞌhuinpita yonquiatonaꞌ, sëtapi. Co huaꞌhuanpihuëꞌ naporini, noya noya niitonahuëꞌ.