Lucas 11:26 - Chayahuita (Shahui)

²⁶ Napoaton paantarahuaton, canchisë sopairoꞌsaꞌ aquë aquëtëꞌ co noyahuëꞌ nipisopita maantarin. Posa sopairoꞌsari chachin quëmapi yaꞌcoancantantapi. Inaquë yaꞌhuápi. Quëmapi aquë aquëtëꞌ co noyahuëꞌ yonquirin huachi,” itërin.

Lucas 11:26 ပူးပေါင်းရင်းမြစ်များ

Mateo 12:45

Napoaton paantarahuaton, canchisë sopairoꞌsaꞌ maantarin. Aquë aquëtëꞌ co noyahuëꞌ nipisopita maantarin. Posa sopairoꞌsari chachin quëmapi yaꞌcoancantantapi. Napoaton aquë aquëtëꞌ co noyahuëꞌ yonquirin huachi. Inapochachin ipora naꞌa piyapiꞌsaꞌ sopai natëtonaꞌ, co noyahuëꞌ cancantopi. Ina quëran: ‘Co huachi sopai natëarahuëꞌ,’ taponaraihuëꞌ, co Yosë yonquiatonahuëꞌ, oshaquëran aquë aquëtëꞌ co noyahuëꞌ cancantaantapi huachi,” itërin Quisosori.

Mateo 23:15

Canpitasoꞌ nonpintënquëma niꞌton, ¡maꞌhuantacha nisarama paya! Nisha piyapiꞌsaꞌ aꞌchintacamaso marëꞌ ira iratë́rantaramaꞌ. Aquë paatomaꞌ, aꞌnaya aꞌnaya aꞌchintëramaꞌ canpita pochin yonquicaiso marëꞌ. Natëhuachinënquëmaꞌ, aquë aquëtëꞌ co noyahuëꞌ cancantapi. Yaꞌipinquëmaꞌ parisitopiquë paꞌsarama huachi.

Lucas 11:25

Inasoꞌ co Yosë yonquiatonhuëꞌ, topinan yaꞌhuárin quënanquiantarin. Noya yaꞌhuëantachinachin niꞌton, yayaꞌcoancantantarin.

Lucas 11:27

Naꞌa piyapiꞌsaꞌ natanapi. Aꞌna sanapisoꞌ natanahuaton, itërin: —Ma noya aꞌchintërancoi. Mamaparinquën huaꞌhuarinquën niꞌton, ma noya Yosëri niꞌnin. ¡Asoꞌsorinquën niꞌton, nóya cancanchin! tënahuë, tënin chiníquën nonaton.

Juan 5:14

Ina quëran chinotopiso pëiquë paꞌsahuaton, apia anoyatërinsoꞌ quënancoantarin. —Niꞌquëꞌ iyasha. Nani quëmasoꞌ noyatëran. Ama huachi oshahuaantaquësohuëꞌ, naꞌcon naꞌcon maꞌsha onpotan, itërin.

1 Juan 5:16

Aꞌnaquën Yosë imamiataponahuëꞌ, co noyahuëꞌ ninin. Co Yosë aꞌpoaponahuëꞌ, oshahuanin. Inapita marëꞌ Yosë nontahuaꞌ anoyacancanchin. Aꞌnaquënso nipirinhuëꞌ imapirinhuëꞌ, co noyahuëꞌ yonquiaton, Quisocristo chachin aꞌpomiatërin. Aꞌpomiatohuachina, chiminpi pochin cancantantapi. Co inapita marëꞌ Yosë nontacasoꞌ yaꞌhuërinhuëꞌ.