Lucas 10:40 - Chayahuita (Shahui)

⁴⁰ Martaso nipirinhuëꞌ cosharo nicaton sacatárin. Nisha nisha yonquiaton, Quisoso huëcapairin: —Caihuë Sinioro topinan huënsëárin. Caora cosharoꞌ nisarahuë. Shaꞌhuitëquëꞌ catahuainco, itërin.

Lucas 10:40 ပူးပေါင်းရင်းမြစ်များ

Mateo 14:15

Iꞌhuararahuasoꞌ, caꞌtanoꞌsanënpitari itiipi: —Nani iꞌhuarin. Co mantaꞌ isëquë yaꞌhuërinhuëꞌ. Piyapiꞌsaꞌ aꞌpaquëꞌ ninanoroꞌsaquë paꞌinaꞌ. Inaquë cosharoꞌ paꞌanatonaꞌ caꞌinaꞌ, itopirinahuëꞌ.

Mateo 16:22

Ina natanahuaton, aꞌnaroáchin Pitrori amasha quëparahuaton, chiníquën pënënin: —¡Ama Sinioro napoquësohuëꞌ! Ama Yosë nohuanchinsohuëꞌ, itopirinhuëꞌ,

Marcos 3:21

Quisoso quëmopinënpitari natantahuatonaꞌ, “Nani huaꞌyantërin,” topi. Napoaton Quisoso quëpacaiso marëꞌ huëcapaipirinahuëꞌ.

Lucas 10:38

Ina quëran paantahuaton, aꞌna ninanoquë canconin. Inaquë Marta yaꞌhuërin: —Huëquëꞌ Sinioro niꞌquicoi, itohuachina, yaꞌconapatërin.

Lucas 10:41

—Imoya. Nisha nisha maꞌsha yonquiaton, co noya cancantëranhuëꞌ.

Lucas 12:29

Ama maꞌsha yonquiatomaꞌ, paꞌyancosohuëꞌ. ‘¿Maꞌcha caꞌnëꞌpoya? ¿Maꞌcha oꞌorëꞌpoya?’ ama tocosohuëꞌ.

Lucas 9:55

Tahuërëtahuaton: —Ama iyaroꞌsaꞌ napocosohuëꞌ. Tananpitocoꞌ, itërin.

Juan 11:1

Pitaniaquë aꞌna caniaꞌpi yaꞌhuërin, Nasaro itopisoꞌ. Catoꞌ oshinpita yaꞌhuëtërin, Maria, Marta inapita itopisoꞌ. Ina Maria aꞌna tahuëri Quisoso paꞌmorantëarin. Huaꞌsaiꞌ paꞌton nininsoquë paꞌmorantërahuaton, ainën quëran amirantërarin. Coꞌhuara inapoyátërasohuëꞌ, yoꞌin chiníquën caniorin.

Juan 11:5

Nasaro, Marta, Maria, inapita paꞌpi nosororin.

Juan 12:2

Inaquë canconpatëira, yaꞌhuëhuanoꞌsaꞌ amatërinacoi caꞌpataꞌhuaiso marëꞌ. Quisoso nosoroatonaꞌ, napopi. Martasoꞌ cosharoꞌ oꞌhuinarin. Nasarontaꞌ inaquë coshatarin.

Juan 6:27

Cosharomia aꞌnaroáchin chanatërin. Ama inasáchin nohuantocosohuëꞌ. Cosharo pochin nininsoꞌ yaꞌhuërin. Cancanëma marëꞌ quëtaranquëmaꞌ. Ina co onporontaꞌ chanatarinhuëꞌ. Yaꞌhuëtohuachinquëmaꞌ, Yosë nohuitatomaꞌ nanpimiatarama. Ina naꞌcon naꞌcon yonquicoꞌ. Yosë quëran quëmapico niꞌto, quëtaranquëmaꞌ. Ina marëꞌ Tata Yosë acorinco. Ina nohuanton, nani maꞌsha nanitaparahuë nohuitamacoso marëꞌ, itërin.