Lucas 10:31 - Chayahuita (Shahui)

³¹ Ina quëran cotio corto huaꞌan ina ira chachin paꞌtapirinhuëꞌ. Quëmapi quënanconaponahuëꞌ, pëshonanpirahuaton naꞌhuëtërin.

Lucas 10:31 ပူးပေါင်းရင်းမြစ်များ

2 Samuel 1:6

—Quiripoa motopiquë topinan paꞌsáporahuëꞌ, Saono quënanahuë. Nansanën paquëaton yachiminárin. Huiristino sontaroꞌsari ohuanpi niꞌton, naporin. Huiristino sontaroꞌsanta ahuëtacaiso toronanoꞌsaquë yaꞌcaritërapi. Cahuarioroꞌsaquë paꞌpisopitantaꞌ, naporapi.

Salmos 69:20

Maꞌsha onpotápatonaco asëtomiatërinaco. Inapoato co huachi chiníquën cancantërahuëꞌ: “Insha tëranta taꞌma nosoroatonco achinicancanaponco,” taꞌto ninápirahuëꞌ. ¡Coꞌchi paya!

Eclesiastés 9:11

Isopitantaꞌ, isoroꞌpaquë niꞌnahuë: Taꞌapisopita nicanahuachinara, co chini chiníquën taꞌapisopitaráchin canatopihuëꞌ. Ahuëtohuachinarantaꞌ, co chiníquën cancantopisopitaráchin canatopihuëꞌ. Co yonquínahuan nipisopitaráchin cosharohuanpihuëꞌ. Co yonqui yonquicharapisopitaráchin maꞌhuanpihuëꞌ. Co nitotonoꞌsaráchin piyapiꞌsari noya niꞌpihuëꞌ. Yaꞌipinpoa capainchiaquë huarëꞌ noya ninëhuaꞌ.

Isaías 58:7

Cosharo yaꞌhuëtërinquënsoꞌ, pahuantërinsopita quëtëquëꞌ. Saꞌahuaroꞌsa co pëinëna yaꞌhuëtohuachinarahuëꞌ, canpitari pëinëmaquë ichiyaꞌhuëcoꞌ. Aꞌmocaiso pahuantohuachinaꞌ, quëtocoꞌ. Aꞌnapita catahuachináchin cancantocoꞌ.

Oseas 5:1

Naquëranchin Siniorori piyapinënpita itapon: “Corto huaꞌanoꞌsanquëmaꞌ, yaꞌipi Israiro huaꞌanoꞌsanquëmaꞌ, copirnonta quëmopinënpitarë chachin, yaꞌipinquëma natanco shaꞌhuichinquëmaꞌ: ‘Canpitaso piyapinëhuëpita anishacancantërama niꞌton, Mispa ninanoquë pëcotan acoatë pochin ninamaꞌ. Taporo motopiquënta huënson acoatë pochin ninamaꞌ. Sitin motopianaquëpita noꞌpaꞌ ihuarahuatomaꞌ, pëcotan acoatë pochin ninamaꞌ. Ina marëꞌ anaꞌintaꞌhuanquëmaso yaꞌhuërin,’ tënahuë.

Malaquías 1:10

Inquëma tërantaꞌ, chinotëramacoso pëi yaꞌcoananën oncoatoma noyá patanantërama naporini, noya niitonhuëꞌ. Co huachi insonta yaꞌconaton, artaronëhuëquë topinan quëran aꞌpëchitonhuëꞌ. Co noyahuëꞌ ninama niꞌton, carimanta co noya niꞌnanquëmahuëꞌ. Maꞌsha quëshiramacosopitantaꞌ, co huachi maꞌpaponquëmahuëꞌ.

Lucas 10:30

—Inta nipachin aꞌchinchinquën. Aꞌna cotio quëmapi Quirosarinquë yaꞌhuërin. Aꞌna tahuëri Quiricoquë paꞌsapirinhuëꞌ. Paasoꞌ, tëpatoroꞌsari mapi. Ahuëatonaꞌ, ihuapi. Aiꞌnanpiratopi. Yachimiánin patopi.

Lucas 10:32

Ina piquëran aꞌna quëmapintaꞌ paꞌsarin. Inasoꞌ Nihui huënton quëmapi niꞌton, corto huaꞌan catahuarinsoꞌ. Inarintaꞌ quënanconaponahuëꞌ, inapotaantarin.

Rota naporinso' 2:3

Napotohuachina iminquë paꞌnin. Yaquinaꞌpiroꞌsa otayapisoꞌ, masárin. Co nitotopirinhuëꞌ, ina iminso Poosonquën.