Lucas 10:3 - Chayahuita (Shahui)

³ Iporasoꞌ aꞌparanquëmaꞌ. Niꞌcoꞌ. Carniroaꞌhuaroꞌsaꞌ co nanitopihuëꞌ niaꞌpaicaisoꞌ. Aꞌnaroáchin tanan niꞌniroꞌsari manin. Aꞌnaquën piyapiꞌsaꞌ niꞌniroꞌsa pochin cancantatonaꞌ, noꞌhuiponënquëmaꞌ.

Lucas 10:3 ပူးပေါင်းရင်းမြစ်များ

Salmos 22:21

Paꞌpiniroꞌsasoꞌ, nahuëantahuatonpo yamaninpoꞌ. Tanan ohuacaroꞌsanta pomonën quëran yatëparinpoꞌ. Inapita pochin inimicoroꞌsa yanitopirinacohuëꞌ, ¡nichaꞌëco!

Mateo 10:16

Ina quëran itaantarin: “Niꞌcoꞌ iyaroꞌsaꞌ. Ohuicaroꞌsaꞌ co nanitopihuëꞌ niaꞌpaicaisoꞌ. Aꞌnaroáchin huëntonën niꞌniroꞌsari mapi. Aꞌchintohuatamaꞌ, aꞌnaquën piyapiꞌsaꞌ niꞌniroꞌsa pochin cancantatonaꞌ, noꞌhuiarinënquëmaꞌ. Napoaton noya yonquicoꞌ. Noꞌhuipirinënquëmaontaꞌ, ama noꞌhuicosohuëꞌ. Noya cancantatomaꞌ, sanoanan quëran nontocoꞌ.

Mateo 10:22

Imaramaco niꞌton, naꞌa piyapiꞌsaꞌ noꞌhuiarinënquëmaꞌ. Nipirinhuëꞌ, co aꞌpohuatamacohuëꞌ, nichaꞌësaranquëma huachi.

Mateo 7:15

Ina quëran itaantarin: “Niꞌcona iyaroꞌsaꞌ nonpin nanan pënëntonaꞌpiroꞌsaꞌ nonpintochinënquëmaꞌ. ‘Quiyantaꞌ imarai,’ itopirinënquëmahuëꞌ, co cancanëna quëran imapihuëꞌ. Tanan niꞌniꞌ yamapintërinso pochin cancantatonaꞌ, yatapicancaninquëmaꞌ. Co noꞌtëquën aꞌchinpihuëꞌ.

Lucas 10:4

Paꞌpatamaꞌ, ama mantaꞌ quëpacosohuëꞌ. Pëꞌpëto, coriqui, sapatë co inapita tërantaꞌ quëpacasoꞌ yaꞌhuërinhuëꞌ. Piyapiꞌsaꞌ nacapihuatamaꞌ, ama huaꞌquiꞌ nontocosohuëꞌ. Manóton pacoꞌ.

Juan 10:12

Inpriatoso nipirinhuëꞌ, paꞌpiniꞌ huëꞌpachina, ohuicaroꞌsaꞌ taꞌananpirin. Paꞌpiniri aꞌnaraꞌ macasoꞌ, yaꞌipi ohuicaroꞌsaꞌ yanquëëpi. Inpriatosoꞌ co huaꞌanënhuëꞌ niꞌton, co ohuicaroꞌsaꞌ paꞌpoyatërinhuëꞌ.

Juan 15:20

Noꞌhuirinaco niꞌton, canpitantaꞌ noꞌhuiarinënquëmaꞌ. Nani shaꞌhuitëranquëmaꞌ: ‘Huaꞌanëmaco niꞌton, co canpitasoꞌ noya noya niꞌsarinënquëmahuëꞌ,’ itëranquëmaꞌ. Aparisitërinaco niꞌton, canpitantaꞌ aparisitarinënquëmaꞌ. Aꞌchinahuësoꞌ natëhuachinaꞌ, canpitantaꞌ natëarinënquëmaꞌ.

Juan 16:2

Niyontonpiso pëiroꞌsa quëran ocoiarinënquëmaꞌ. Aꞌna tahuëri yatëparinënquëmaꞌ. ‘Co noyahuëꞌ nipi niꞌton, tëpahuatoi, Yosë noya niꞌsarincoi,’ taꞌtonaꞌ, aꞌnaquëmaꞌ tëpaarinënquëmaꞌ.

Hechos 20:29

Nani paꞌpato, co noyahuëꞌ quëmapiꞌsaꞌ huëꞌsapi. Canoniri maꞌsha maninso pochachin yaocoiarinënquëmaꞌ. Paꞌsápatonaꞌ, anishacancantapi. Co nosoroarinënquëmahuëꞌ. Ina nani nitotërahuë.

Hechos 9:16

Nanamëhuë aꞌchininso marëꞌ naꞌcon parisitapon. Inantaꞌ cari anitotarahuë,” itërin Quisosori.

Hechos 9:2

“Quirica ninshitoco piyapi macaꞌhuaso marëꞌ. Tamascoquë quëparahuato, niyontonpiso pëiꞌ huaꞌanoꞌsaꞌ quëtarahuë. Inaquë nasha nanan imapisopita quënanpato, masarahuë. Quëmapiꞌsaꞌ tonporahuato, isëquë chachin quësarahuë. Sanapiꞌsaquë huarëꞌ masarahuë,” tënin Saono. Napohuachina, quirica ninshitahuaton, quëtërin.