Lucas 10:29 - Chayahuita (Shahui)

²⁹ —Ina nitotaporahuëꞌ, ¿maꞌtaꞌ onpoꞌi? ¿Inpitaquë huarëtaꞌ nosoroꞌi? itaantarin.

Lucas 10:29 ပူးပေါင်းရင်းမြစ်များ

Marcos 8:34

Naꞌa piyapiꞌsaꞌ yaꞌcariya huaniapi. —Amashamiachin huëcoꞌ iyaroꞌsaꞌ, aꞌchinchinquëmaꞌ, itohuachina, huëꞌpi natanacaiso marëꞌ. Caꞌtanoꞌsanënpitantaꞌ natanapi. —Yaimapatamaco, canpitaora nohuantëramasoꞌ naniantocoꞌ. Yosë nohuantërinsoráchin imaco huachi. Corosëquë chiníquën parisitërëꞌ. Inapochachin canpitantaꞌ parisitapomarahuëꞌ, imamiatoco.

Lucas 10:36

Niꞌquëꞌ iyasha. Carayaꞌpiri ahuëpisoꞌ quënanconpi. ¿Insoaritaꞌ iin pochin nosororin? itërin Quisosori.

Lucas 16:15

Tëhuapirinahuëꞌ, Quisosori itërin: “Canpitasoꞌ Yosë imaramaso pochin nipomarahuëꞌ, co tëhuënchachin imaramahuëꞌ. Nonpinamaꞌ. Yonquiramaso chachin Yosë nitotërin. Piyapiꞌsaꞌ noya niꞌpirinënquëmahuëꞌ. Cancanëma quëranso yanonpinamaꞌ niꞌton, Yosë co piꞌpian tërantaꞌ noya niꞌsarinquëmahuëꞌ,” itërin.

Romanos 10:3

Yosëíchin anoyacancantërinpoaꞌ. Nipirinhuëꞌ, co nohuantopihuëꞌ ina nanan imacaisoꞌ. “Pënëntërinsoꞌ natëhuatëhuaꞌ, Yosë noya niꞌsarinpoaꞌ,” toconpi. “Quëma Sinioro anoyacancantocoi,” co itopihuëꞌ.

Romanos 4:2

Apraan inaora co nanitërinhuëꞌ noꞌtëquën Yosë natëcasoꞌ. Inaora nanitërin naporini, “Casoꞌ noyaco. Noꞌtëquën natërahuë,” chitonhuëꞌ. Napoaponahuëꞌ, co ina pochin Yosëri niꞌninhuëꞌ.

Gálatas 3:11

“Pënëntërinsoꞌ natëto chaꞌësarahuë,” co taꞌcasoꞌ yaꞌhuërinhuëꞌ. Ina pochin cancantohuatëhuaꞌ, co Yosë noya niꞌsarinpoahuëꞌ. Quiricanën quëran noꞌtëquën shaꞌhuitërinpoaꞌ: “Cancanënpoa quëran huarëꞌ natëtohuatëhuaꞌ, Yosë noya niꞌsarinpoa niꞌton, noya nanpimiatarihuaꞌ,” tënin quiricanënquë.

Santiago 2:24

Co topinan quëran nonacasoꞌ yaꞌhuërinhuëꞌ, tënahuë. Yosë natëtëhuaꞌ, noya nipatëhuaꞌ, noya imarëhuaꞌ. Ina marëꞌ Yosë noya niꞌsarinpoaꞌ.