Lucas 10:25 - Chayahuita (Shahui)

²⁵ Ina quëran aꞌna maistro iráca nanan noya nitotërinsoꞌ huanirahuaton, Quisoso tënicaso marëꞌ itapon: —¿Maꞌtaꞌ Maistro onpoꞌi nanpimiataꞌhuaso marëꞌ? itërin.

Lucas 10:25 ပူးပေါင်းရင်းမြစ်များ

Marcos 10:17

Ina quëran Quisoso yapaantarapirinhuëꞌ. Aꞌnara quëmapi taꞌaquirahuaton, isonquirin. —Quëmasoꞌ Maistro noyanquën. ¿Maꞌtaꞌ casoꞌ onpoꞌi nanpimiataꞌhuaso marëꞌ? Shaꞌhuitoco cantaꞌ noya nii, itiirin.

Marcos 10:3

—¿Maꞌtaꞌ iráca Moisësë pënëntërin? itërin Quisosori.

Marcos 12:28

Satosioroꞌsarëꞌ ninontasoiꞌ, aꞌna cotio maistro huëꞌnin. Natanahuaton: “Ma noyacha Quisososoꞌ nitotërin paya,” taꞌton, itapon: —Yosë naꞌcon pënëninpoaꞌ. ¿Maꞌtaꞌ naꞌcon naꞌcon nohuantërin natëcasoꞌ? itërin.

Lucas 10:24

Iráca quëran huarëꞌ naꞌa copirnoroꞌsaꞌ, pënëntonaꞌpiroꞌsaꞌ, inapita niꞌnamasopita yaniꞌpirinahuëꞌ, co niꞌpihuëꞌ. Aꞌchintëranquëmasopitantaꞌ yanatanpirinahuëꞌ, co natanpihuëꞌ,” itërin.

Lucas 10:26

—Iráca Yosë quiricanën quëran ninshitaton, pënëninpoaꞌ. ¿Maꞌtaꞌ tënin? itërin.

Lucas 18:18

Ina quëran aꞌna huaꞌani Quisoso huëcapairin. —Quëmasoꞌ Maistro noyanquën, tënahuë. ¿Maꞌtaꞌ casoꞌ nii nanpimiataꞌhuaso marëꞌ? Shaꞌhuitoco cantaꞌ noya nii, itiirin.

Lucas 7:30

Parisioroꞌsaso nipirinhuëꞌ, co nohuantopihuëꞌ Yosë nanamën natëcaisoꞌ. Coansha noꞌtëquën pënëntopirinhuëꞌ, topinan quëran natanpi. Napoaton co aporihuanpihuëꞌ. Cotio maistroꞌsarintaꞌ co yanatëpihuëꞌ.

Juan 8:6

Quisoso atëhuërahuatonaꞌ shaꞌhuirapicaiso marëꞌ natanapi. Quisososo nipirinhuëꞌ iꞌchorahuaton, imirin quëran noꞌpaquë ninshitarin.

Gálatas 3:18

Iráca Yosëri shaꞌhuitërin. “Caora nohuanto, piyapiꞌsaꞌ nichaꞌësarahuë,” itërin. Iráca pënëntërinsoꞌ natëtëꞌ chaꞌëcasoꞌ yaꞌhuërin naporini, co inaora nohuanton Yosë nichaꞌëitonpoahuëꞌ.