Lucas 10:24 - Chayahuita (Shahui)

²⁴ Iráca quëran huarëꞌ naꞌa copirnoroꞌsaꞌ, pënëntonaꞌpiroꞌsaꞌ, inapita niꞌnamasopita yaniꞌpirinahuëꞌ, co niꞌpihuëꞌ. Aꞌchintëranquëmasopitantaꞌ yanatanpirinahuëꞌ, co natanpihuëꞌ,” itërin.

Lucas 10:24 ပူးပေါင်းရင်းမြစ်များ

Mateo 13:16

Canpitaso nipirinhuëꞌ, ma noya Yosë catahuarinquëmaꞌ niꞌton noya niꞌnamaco. Noya natanamaco. Napoaton noya cancantaramaꞌ.

Lucas 10:23

Nani aꞌchintohuachina, caꞌtanoꞌsanënpita amasha quëparahuaton, shaꞌhuitërin: “Isoroꞌpaquë oꞌmato, nani maꞌsha ninahuë. Ma noya Yosë nosororinquëmaꞌ niꞌton, niꞌnamaꞌ.

Lucas 10:25

Ina quëran aꞌna maistro iráca nanan noya nitotërinsoꞌ huanirahuaton, Quisoso tënicaso marëꞌ itapon: —¿Maꞌtaꞌ Maistro onpoꞌi nanpimiataꞌhuaso marëꞌ? itërin.

Juan 8:56

Tata Apraan yonquirinco. “Aꞌna tahuëri Yosëri aꞌpaimarinsoꞌ oꞌmararin,” taꞌton, noya cancantërin. Nani niꞌninco niꞌton, noya cancantërin, itërin Quisosori.

Hebreos 11:13

Apraan, Isaco, Cacopo, inapita chiminaquë huarëꞌ Yosë natëpi. “Nani Yosë shaꞌhuitërinpoaꞌ. Co nonpintarinpoahuëꞌ. Pahuanarin nipirinhuëꞌ, aꞌna tahuëri Yosë nohuanton, yaꞌhuapon,” taꞌtonaꞌ, nóya cancantopi. “Co huaꞌqui isoroꞌpaquë yaꞌhuarihuahuëꞌ. Isëquësoꞌ topinan yacapatërëhuaso pochin ninëhuaꞌ,” topi.

Hebreos 11:39

Yosëíchin yonquiatonaꞌ, nóya imapi. Napoaponahuëꞌ, co yaꞌipi Yosëri shaꞌhuitërinsoꞌ naniyatërasohuëꞌ, chiminpi.