Lucas 10:19 - Chayahuita (Shahui)

¹⁹ Nani nanan quëtëranquëmaꞌ canpitantaꞌ sopai minsëcamaso marëꞌ. Ca yonquiatomaco, sopairoꞌsaꞌ nontohuatamaꞌ, patarinquëmaꞌ. Yaꞌhuan, yonpinca inapita iꞌnatohuatamaꞌ, co mantaꞌ onpotarinquëmahuëꞌ. Yaꞌhuan yaquëtërinposo pochin sopaintaꞌ yaacorinquëmaꞌ. Canpitariso nipirinhuëꞌ minsëaramaꞌ. Co mantaꞌ nanitarinhuëꞌ minsëinquëmasoꞌ.

Lucas 10:19 ပူးပေါင်းရင်းမြစ်များ

Salmos 91:13

Paꞌpiniroꞌsaꞌ, yaꞌhuanoꞌsaꞌ, panca maꞌsharoꞌsaꞌ, inapita huáncana noya paꞌsarëhuaꞌ.

Isaías 11:8

Huaꞌhuaroꞌsantaꞌ, quëtëton yaꞌhuanoꞌsarëꞌ yaꞌnipiponaꞌ. Ina yaꞌhuërinquë icarahuachinantaꞌ, co manta onpotarinhuëꞌ.

Ezequiel 2:6

Piyapinquën nipiranhuëꞌ, ama inapita tëꞌhuatëquësohuëꞌ. Maꞌsona itohuachinëontaꞌ, ama tëꞌhuaquësohuëꞌ. Nahuanoꞌsaꞌ, yonpincaroꞌsaꞌ, inapita huáncana yaꞌhuëaranso pochin cancantaran. Inapopiranhuëꞌ, maꞌsona itohuachinën ama tëꞌhuaquësohuëꞌ. Noꞌhuitatona nishinahuën niꞌtohuachinantaꞌ, ama tëꞌhuatëquësohuëꞌ. Co natantochináchinhuëꞌ cancantopirinahuëꞌ, ama tëꞌhuatëquësohuëꞌ.

Marcos 16:18

Yaꞌhuan mapatamaꞌ, co mantaꞌ onpotarinquëmahuëꞌ. Sonimaontaꞌ nipirinhuëꞌ oꞌopatamaꞌ, co chiminaramahuëꞌ. Caniaꞌpiroꞌsaꞌ topinan sëꞌhuahuatamaꞌ, noyataponaꞌ,” itërin Quisosori.

Lucas 11:12

Ataricayontaꞌ natanpachinquëmaꞌ, co yonpinca quëtaramahuëꞌ. Noya cosharoꞌ quëtaramaꞌ.

Hechos 28:5

Paonoso nipirinhuëꞌ imirin paꞌtanahuaton, yaꞌhuan pënquë tëꞌyatërin. Co mantaꞌ onporinhuëꞌ.

Romanos 16:20

Yosëíchin catahuarinpoaꞌ sano cancantacasoꞌ. Sopai yanonpintopirinquëmahuëꞌ, Yosë catahuarinquëmaꞌ niꞌton, aꞌnaroáchin sopai minsëaramaꞌ. Canpita marëꞌ Yosë nontarahuë. Inaora nohuanton, Sinioro Quisocristo noya catahuainquëmaꞌ, tënahuë.

Apocalipsis 11:5

Yosë nohuanton, sacaiꞌ nininsopita nanitapapi. Aꞌnapitari yatëpahuachinaꞌ, nanamëna quëran pën pipiarin. Pipihuachina, yatëpapisopita huëyarapi. Huëyarahuatonaꞌ, chiminapi. Ina pochin Yosëri catahuarin niꞌton, minsëapi.