Lucas 10:17 - Chayahuita (Shahui)

¹⁷ Nani pënëntohuachinara, canchisë shonca catoyaꞌpi chachin nóya cancantatonaꞌ, Quisosoquë huëantapi. —Sopairoꞌsantaꞌ Sinioro nontërai. “Quisoso nanan quëtërincoi niꞌton, aꞌparainquën,” itohuatëira, pipipi, itopi.

Lucas 10:17 ပူးပေါင်းရင်းမြစ်များ

Mateo 4:24

Yaꞌipi Siria partintaꞌ, nahuinin niꞌton, notohuaroꞌ caniaꞌpiroꞌsaꞌ quëpi Quisosori anoyatacaso marëꞌ. Nisha nisha canio inquitëraꞌpiarin. Aꞌnaquëontaꞌ sopairi yaꞌcoancantërin niꞌton, co huachi inaora yonquirinsoꞌ yonquirinhuëꞌ. Toconaꞌpiroꞌsaꞌ, apiaroꞌsa inapitantaꞌ quëpapi Quisosori anoyatacaso marëꞌ. Quëpachinara, yaꞌipi anoyatëraꞌpiarin.

Marcos 16:17

Natëhuatamaꞌ, nani maꞌsha nisaramaꞌ piyapiꞌsaꞌ nitotacaiso marëꞌ. Chiníquën nanan quëchinquëmaꞌ sopairoꞌsaꞌ aꞌpacamaso marëꞌ. Nisha nisha nananquë nonsaramaꞌ.

Lucas 10:1

Ina quëran aꞌnapitantaꞌ shaꞌhuitërin pënëntacaisoꞌ. Canchisë shonca catoꞌ quëmapiꞌsaꞌ huayonahuaton, catoya catoya aꞌparin. Nisha nisha ninanoquë aꞌparin. Oshaquëran ina ninanoroꞌsaquë chachin paꞌsarin niꞌton, inapitaꞌton aꞌparin pënëntacaiso marëꞌ. Yapaꞌpachinara itapon:

Lucas 10:20

Sopairoꞌsaꞌ aꞌpapiramahuëꞌ, ama ina marëáchin noya cancantocosohuëꞌ. Imaramaco niꞌton, Yosëꞌpaꞌ paꞌsaramaꞌ. Inatohuaꞌ nininëmaꞌ nani ninshitërinquëmaꞌ. Ina marëꞌ tëhuënchinsoꞌ nóya cancantocoꞌ, itërin.

Lucas 10:9

Caniaꞌpiroꞌsaꞌ inaquë yaꞌhuëhuachinaꞌ, anoyatocoꞌ. ‘Iso tahuëriꞌsaꞌ Yosë yahuaꞌanëntarinquëmaꞌ,’ itocoꞌ.

Lucas 9:1

Shonca catoꞌ quëmapiꞌsaꞌ Quisosori nani huayonin naꞌcon naꞌcon aꞌchintacaso marëꞌ. Caꞌtanoꞌsanënpita itopi. Ayontonahuaton, chiníquën nanan quëtërin sopairoꞌsaꞌ aꞌpacaiso marëꞌ. Ina nohuanton, nisha nisha caniori maninsopitantaꞌ anoyatapi.

Romanos 16:20

Yosëíchin catahuarinpoaꞌ sano cancantacasoꞌ. Sopai yanonpintopirinquëmahuëꞌ, Yosë catahuarinquëmaꞌ niꞌton, aꞌnaroáchin sopai minsëaramaꞌ. Canpita marëꞌ Yosë nontarahuë. Inaora nohuanton, Sinioro Quisocristo noya catahuainquëmaꞌ, tënahuë.

Efesios 5:24

Imarëhuasopita Quisocristo natërëhuaso pochachin sanapiꞌsantaꞌ soꞌinaꞌ natëinaꞌ.