Lucas 10:11 - Chayahuita (Shahui)

¹¹ ‘Nani shaꞌhuitopirainquëmahuëꞌ. Co nohuantëramahuëꞌ niꞌton, canpitaora tëhuënëmaquë ninaꞌintaramaꞌ. Co natëpiramahuëꞌ, Yosësoꞌ yahuaꞌanëntarinquëmaꞌ,’ itocoꞌ.

Lucas 10:11 ပူးပေါင်းရင်းမြစ်များ

Mateo 10:14

Insëquësona paꞌpatamaꞌ, ‘Ama isëquë huëcosohuëꞌ. Co yanatanainquëmahuëꞌ,’ itohuachinënquëmaꞌ, patocoꞌ. Yapaꞌpatamaꞌ, pënëncoꞌ. ‘Nani shaꞌhuitopiranquëmahuëꞌ. Co nohuantëramahuëꞌ niꞌton, canpitaora tëhuënëmaquë ninaꞌintaramaꞌ,’ itocoꞌ. Ina quëran aꞌna parti paco huachi.

Mateo 10:7

Paatomaꞌ, aꞌchintocoꞌ: ‘Iso tahuëriꞌsaꞌ Yosë huaꞌanëntarinpoaꞌ,’ itocoꞌ.

Mateo 3:2

—Yosë huaꞌanëntiinpoasoꞌ tahuëri nani yaꞌcariarinpoaꞌ. Napoaton co noyahuëꞌ yonquiramasopita naniantatomaꞌ, Yosë chachin tahuërëtantaco huachi, itarin. Nani tahuëri ina pochin pënënárin.

Marcos 6:11

Aꞌna ninanoquë yaꞌhuëpisopita noꞌhuitënënquëmaꞌ: “Ama isëquë huëcosohuëꞌ. Co yanatanainquëmahuëꞌ,” itohuachinënquëmaꞌ, patocoꞌ. Yapaꞌpatamaꞌ, pënëncoꞌ: “Nani shaꞌhuitopiranquëmahuëꞌ. Co nohuantëramahuëꞌ niꞌquëhuarëꞌ canpitaora tëhuënëmaquë ninaꞌintaramaꞌ,” itocoꞌ. Tëhuënchachin Yosëri chiníquën anaꞌintarin huachi, itërin Quisosori.

Lucas 10:10

Aꞌnaquën piyapiꞌsaso nipirinhuëꞌ co nohuantarinënquëmahuëꞌ. Ina ninanoquë canconpatamaꞌ, cachiquë paatomaꞌ, pënëntocoꞌ.

Lucas 10:9

Caniaꞌpiroꞌsaꞌ inaquë yaꞌhuëhuachinaꞌ, anoyatocoꞌ. ‘Iso tahuëriꞌsaꞌ Yosë yahuaꞌanëntarinquëmaꞌ,’ itocoꞌ.

Lucas 9:5

Aꞌna ninanoquë paꞌpatamaꞌ, “Ama isëquë huëcosohuëꞌ. Co yanatanainquëmahuëꞌ,” itohuachinënquëmaꞌ, patocoꞌ. Yapaꞌpatamaꞌ, pënëncoꞌ. “Nani shaꞌhuitopirainquëmahuëꞌ. Co nohuantëramahuëꞌ niꞌton, canpitaora tëhuënëmaquë ninaꞌintaramaꞌ,” itocoꞌ. Ina quëran aꞌna parti pacoꞌ, itërin Quisosori.

Hechos 13:26

“Canpoasoꞌ iyaroꞌsaꞌ, Apraan shinpitanpoaꞌ niꞌtëhuaꞌ, Yosë nanan aꞌpatirinpoaꞌ nichaꞌëinpoaso marëꞌ. Nisha piyapinquëmantaꞌ Yosë chinotohuatamaꞌ, nichaꞌësarinquëmaꞌ canpitantaꞌ. Napoaton yaꞌipinquëmaꞌ shaꞌhuitaranquëmaꞌ.

Hechos 13:40

Nani natanamaco niꞌton, aꞌnaroáchin, iyaroꞌsaꞌ, natëcoꞌ. Niꞌcona anaꞌintochinquëmaꞌ. Iráca Yosë quiricanën quëran pënëntonaꞌpiroꞌsaꞌ itaponaꞌ:

Hechos 13:46

Paonoso nipirinhuëꞌ chiníquën cancantaton, co tëꞌhuarinhuëꞌ. Pirnapintaꞌ chiníquën cancantërin. —Canpitaꞌton Yosë nanamën shaꞌhuitaꞌhuanquëmasoꞌ yaꞌhuëpirinhuëꞌ, aꞌporamaꞌ niꞌton, canpitaora tëhuënëma quëran co nanpimiataramahuëꞌ. Napoaton nisha piyapiꞌsaꞌ aꞌchintarai.

Hechos 13:51

“Nani shaꞌhuitopiranquëmahuëꞌ, co nohuantaramahuëꞌ niꞌton, canpitaora tëhuënëmaquë ninaꞌintaramaꞌ,” itahuatonaꞌ, Iconioquë paꞌpi.

Romanos 10:21

Israiroꞌsaso nipirinhuëꞌ co yanatëpihuëꞌ. Inapita yonquiaton, Isaiasë quëran taantarin: “Iráca quëran huarëꞌ yacatahuarahuë. Imirahuë ihuëtatë pochin nitato: ‘Huëcoꞌ catahuainquëmaꞌ,’ itopirahuëꞌ, co yanatërinacohuëꞌ. Co natantochináchinhuëꞌ cancantopi, tënin Yosë,” itërin.

Romanos 10:8

¿Maꞌtaꞌ quiricanën quëran anitotërinpoaꞌ? “Ina nanansoꞌ, co sacaihuëꞌ nitotacasoꞌ. Nanamënpoa quëran shaꞌhuicaso yaꞌhuërin. Cancanënpoa quërantaꞌ, natëcaso yaꞌhuërin,” itërinpoaꞌ. Inasáchin natëcoꞌ, itëranquëmaꞌ cantaꞌ.

Hebreos 1:3

Inasoꞌ paꞌpin pochachin noya nóya ninin. Ina pochachin niꞌton, inasáchin Yosë noꞌtëquën anohuitërinpoaꞌ. Chiníquën nanantërin niꞌton, ipora huantaꞌ ina nohuanton, maꞌsha yaꞌhuërarin. Co yonquirinpoahuëꞌ naporini, yaꞌipiya taꞌhuanchitërihuahuëꞌ. Iráca oshanënpoaꞌ inquitinpoaso marëꞌ chiminin. Chiminpirinhuëꞌ, nanpiantarahuaton, inápaquë panantarin. Inaquë panantarahuaton, Yosë inchinanën quëran huënsërin. Chiníquën nanantaton, huaꞌanëntarin.