Lucas 1:80 - Chayahuita (Shahui)

⁸⁰ Ina quëran huiꞌninsoꞌ soꞌsorahuaton, huiꞌnapitarin huachi. Yosë yonquiarin niꞌton, chiníquën cancantarin. Inotëro parti yaꞌhuëárin. Ina quëran oshaquëran Yosëri shaꞌhuitërin israiroꞌsaꞌ pënënacaso marëꞌ.

Lucas 1:80 ပူးပေါင်းရင်းမြစ်များ

Mateo 11:7

Ina natanahuatonaꞌ, Coansha shaꞌhuitaponaꞌ paꞌpi. Nani paꞌpachinara, Quisosori piyapiꞌsaꞌ aꞌchintantarin. —Natanco iyaroꞌsaꞌ Coansha yonquiato aꞌchinchinquëmaꞌ. Iꞌhua inotëro parti ina nicapomaꞌ paꞌpatamara, inaso Yosë marë chiníquën huanirin quënanconamaꞌ. Co piquira ihuani onororinso pochin niconinhuëꞌ.

Mateo 3:1

Naporoꞌ tahuëriꞌsaꞌ Coansha Paotista pënëntarin. Cotia parti pancana inotëroꞌ yaꞌhuërin. Co inaquë piyapiꞌsaꞌ yaꞌhuëpihuëꞌ. Inaquë yaꞌhuaton, Yosë nanamën shaꞌhuirarin. Naꞌa piyapiꞌsaꞌ huëꞌpi natanaponaꞌ:

Lucas 1:15

Inasoꞌ nóya quëmapi nipon. Yosëri catahuaarin niꞌton, noya noya nisarin. Naporahuaton, co piꞌpian tërantaꞌ main oꞌoponhuëꞌ. Coꞌhuara nasichátëraponhuëꞌ, Ispirito Santori yaꞌcoancantarin. Inasáchin natëarin.

Lucas 2:40

Quisoso soꞌsorahuaton, chinirarin. Nóya yonquirin. Yosëri naꞌcon catahuarin.

Lucas 2:52

Naporahuaton, Quisoso huiꞌnapitarin huachi. Noya noya yonquirin. Yosëri noya niꞌnin. Piyapiꞌsarintaꞌ noya niꞌpi.

Juan 1:31

Co carintaꞌ nohuitopirahuëꞌ, nani nohuitërahuë. Yosë aꞌparinco yaꞌipi piyapinënpita anohuitaꞌhuaso marëꞌ. Ina marëꞌ pënënato, iꞌquë aporintarahuë.

Hechos 18:28

Piyapiꞌsaꞌ niyontonpachinara, Yosë quiricanën aꞌchinárin. “Iráca quëran huarëꞌ Cristo oꞌmacasoꞌ ninopi. Iporasoꞌ nani oꞌmarin. Inasoꞌ Quisoso,” tënin. Quiricanën quëran anitotërin. Noya noya aꞌchinin niꞌton, cotioroꞌsaꞌ co nanitopihuëꞌ: “Nonpiánin” taꞌcaisoꞌ.

1 Samuel 2:21

Siniorori Ana catahuarin niꞌton, huaꞌhuaantarin. Huaꞌhuanápaton aꞌnatërápoaꞌhua ananirin. Cara quëmapi, cato sanapi yaꞌhuëtërin. Samoiroso nipirinhuëꞌ, Sinioro chinotacaso nëꞌmëtë pëiquëranchin ina marëꞌ sacatarin. Inapoapon pochin soꞌsorarin.