Lucas 1:74 - Chayahuita (Shahui)

⁷⁴ Napoaton nichaꞌësarinpoaꞌ. Co huachi inimiconënpoapitaꞌ minsëarinënpoahuëꞌ. Ina quëran co tëꞌhuatatëhuahuëꞌ, Yosë chinotarihuaꞌ.

Lucas 1:74 ပူးပေါင်းရင်းမြစ်များ

Salmos 119:134

Piyapiꞌsa maꞌsha yaonpotërinaco. Nichaꞌëco ama maꞌsha onpochinacosohuëꞌ. Quëma nanamën noꞌtëquën yanatërahuë.

Isaías 43:21

Piyapinëhuëpitasoꞌ, chinotiinacoso marëꞌ cari acorahuë.

Isaías 45:17

Israiroꞌsanpoaso nipirinhuëꞌ, Sinioro nichaꞌërinpoaꞌ. Yaꞌhuëmiatacaso marëꞌ nichaꞌërinpoaꞌ. Co onporonta taparo nisarëhuahuëꞌ.

Lucas 1:71

‘Aꞌna tahuëri nichaꞌësaranquëmaꞌ. Co huachi inimicoroꞌsaꞌ minsëarinënquëmahuëꞌ. Noꞌhuipirinënquëmahuëꞌ, nichaꞌësaranquëmaꞌ,’ tënin Yosë, topi.

Lucas 1:73

Tata masho Apraan shaꞌhuitërinsoꞌ yonquirárin.

Lucas 1:75

Ina pochin cancantatëhuaꞌ, inasáchin chinotarihuaꞌ. Chiminaquë huarëꞌ nóya nisarihuaꞌ.

Romanos 6:22

Iporaso nipirinhuëꞌ co huachi oshanëma huaꞌanëntërinquëmahuëꞌ. Yosë nichaꞌërinquëmaꞌ ama huachi oshahuanacamaso marëhuëꞌ. Ina chachin huaꞌanëntërinquëmaꞌ. Napoaton noyápiachin cancantaramaꞌ. Aꞌna tahuëri Yosëꞌpaꞌ nanpimiataramaꞌ.

Romanos 8:15

Iráca Yosë tëꞌhuatëramaꞌ. Iporaso nipirinhuëꞌ Ispirito Santo yaꞌcoancantërinpoaꞌ niꞌton, co huachi mantaꞌ tëꞌhuatacasoꞌ yaꞌhuërinhuëꞌ. Huiꞌninpita pochachin Yosë niꞌninpoaꞌ. Ina nontohuatëhuara, “Tata,” itërëhuaꞌ.

2 Timoteo 1:7

Yosë co nohuantërinhuëꞌ tëꞌhuacasoꞌ. Ispirito Santo chachin achinicancaninpoaꞌ sopai minsëcaso marëꞌ. Inasáchin ananitërinpoaꞌ piyapiꞌsaꞌ nosorocasoꞌ. Catahuarinpoaꞌ cancanënpoa quëran noꞌtëquën yonquicasoꞌ.

Hebreos 2:15

Iráca quëran huarëꞌ chimirin tëꞌhuatërëhuaꞌ. “Chiminarihuaꞌ nimara,” taꞌtëhuaꞌ, tëꞌhuarëꞌquënpoa chachin yaꞌhuápirëhuahuëꞌ, Quisocristosoꞌ nichaꞌërinpoaꞌ. Ina imapatëhuaꞌ, co huachi tëꞌhuatacasoꞌ yaꞌhuërinhuëꞌ.

Hebreos 9:14

Quisocristo huënainënso nipirinhuëꞌ noya nóya. Inasoꞌ Yosë huiꞌnin niꞌton, co piꞌpisha tërantaꞌ oshahuaninhuëꞌ. Ispirito Santo yaꞌhuëmiatërinsori catahuarin niꞌton, canpoa marëꞌ chiminaton anoyacancantomiatërinpoaꞌ. Inaso huënainën aꞌparin oshanënpoaꞌ inquitinpoaso marëꞌ. Inapoaton noyápiachin cancan quëtërinpoaꞌ. Ina quëtohuachinpoaꞌ, Yosë noya chinotarihuaꞌ. Inasoꞌ nanpiarin niꞌton, canpoantaꞌ ina marëꞌ noya sacatarihuaꞌ.

Apocalipsis 2:10

Ipora tahuëriꞌsaꞌ naꞌcon parisitapiramahuëꞌ, ama tëꞌhuacosohuëꞌ. Sopai nohuanton, tashinan pëiquë poꞌmoarinënquëmaꞌ. Yosë aꞌpocamaso marëꞌ napotarinënquëmaꞌ. Shonca tahuëri pochin parisitaramaꞌ. Tëpapirinënquëmaontaꞌ, ama aꞌpocosohuëꞌ. Imamiatohuatamaco, inápaquë acanaranquëmaꞌ. Inatohuaꞌ nanpimiataramaꞌ.