Lucas 1:66 - Chayahuita (Shahui)

⁶⁶ Ina natanatonaꞌ, yonquiapi. “¿Maꞌtaꞌ onpoapon iso huaꞌhuasha niꞌton, ipora quëranchin Yosëri naꞌcon naꞌcon catahuararin?” topi.

Lucas 1:66 ပူးပေါင်းရင်းမြစ်များ

Génesis 37:11

Iinpitariso noyapatonaꞌ, aquë aquëtë noꞌhuirápi. Paꞌpinso nipirinhuëꞌ, huiꞌnin naporinso naꞌcon yonquirárin.

Génesis 39:2

Cosiso napotopirinahuëꞌ, Siniorori co naniantërinhuëꞌ. Inari catahuarin niꞌton, huaꞌanën pëinënquë noya yonquiaton yacapatërin. Noya nicaton, noya yaꞌhuërin.

1 Reyes 18:46

Iniasësoꞌ, Siniorori achinirin. Aꞌmorinso amotoontarahuaton, sintoronquë noyá huëquëantërin. Inaporahuaton taꞌahuachina, Acapo naꞌhuëtërin. Inaꞌton Quisiriro ninanoquë canconin.

Salmos 80:17

Piyapinënpitacoisoꞌ, quëma chachin noya acorancoi. Ama amiatonhuëꞌ, catahuacoi.

Salmos 89:21

Inasoꞌ, cari chachin catahuarápo. Chini chiníquën nanantato achinirápo.

Lucas 1:80

Ina quëran huiꞌninsoꞌ soꞌsorahuaton, huiꞌnapitarin huachi. Yosë yonquiarin niꞌton, chiníquën cancantarin. Inotëro parti yaꞌhuëárin. Ina quëran oshaquëran Yosëri shaꞌhuitërin israiroꞌsaꞌ pënënacaso marëꞌ.

Lucas 2:19

Mariaso nipirinhuëꞌ naporinsoꞌ naꞌcon yonquirárin.

Lucas 2:40

Quisoso soꞌsorahuaton, chinirarin. Nóya yonquirin. Yosëri naꞌcon catahuarin.

Lucas 2:51

Ina quëran pipihuachina, aꞌshin, paꞌpin inapitarëꞌ Nasaritoquë paantarin. Inaquë paaton, aꞌshin, paꞌpin, inapita noya natërin huachi. Naporinsoꞌ aꞌshini cancanën quëran yonquirárin.

Lucas 9:44

—Noya natanco iyaroꞌsaꞌ. Yosë quëran quëmapico niporahuëꞌ, aꞌna tahuëri shaꞌhuirapihuachinco, piyapiꞌsaꞌ masarinaco. Ina yonquirácoꞌ, itërin.

Hechos 11:21

Yosëri catahuarin niꞌton, naꞌa piyapiꞌsaꞌ natëtonaꞌ, imapi. Iráca yonquipisoꞌ naniantatonaꞌ, Quisoso imasapi.

Colosenses 1:5

Iráca noya nanan natanamaꞌ. “Oshanënpoaꞌ inquitatonpoaꞌ, Quisocristo anoyacancantërinpoaꞌ,” itohuachinënquëmaꞌ, noꞌtëquën aꞌchintërinënquëmaꞌ. Aꞌchintohuachinënquëmaꞌ, natëramaꞌ. “Aꞌna tahuëri Yosëꞌpaꞌ noya ananpitaantarinpoaꞌ,” taꞌtomaꞌ, Quisocristo imaramaꞌ. Ina imatomaꞌ, ina tahuëri ninaramaꞌ.

1 Samuel 16:18

Napotohuachina aꞌnara piyapinëni itapon: —Quisi Pirinquë yaꞌhuërinsoꞌ, aꞌnara huiꞌnin arpa noya piꞌnirin. Inasoꞌ, chiníquën cancantaton míso ahuëtërin. Noya yonquiaton nonin. Noyapin noyapin niꞌtërin. Siniorori naꞌcon catahuarin. Naporin. Inasoꞌ nininën Tapi, itërin.

1 Samuel 2:18

Inapoasoiꞌ, Samoirosoꞌ huiꞌnapiraꞌhuatarin. Rino piꞌshi quëran nipinan ipoto aꞌmosahuaton, Sinioro marëꞌ sacatarin. Corto huaꞌanoꞌsa inanpi aꞌmopi niꞌton, inanta inanpi aꞌmorin.