Lucas 1:64 - Chayahuita (Shahui)

⁶⁴ Naporoꞌ nëꞌhuërinsoꞌ inquirahuaton, aꞌnaroáchin noantarin huachi. “¡Ma noyacha Tata Yosësoꞌ niꞌton, catahuarinco paya!” tënin.

Lucas 1:64 ပူးပေါင်းရင်းမြစ်များ

Salmos 51:15

Catahuaco Sinioro nichaꞌërancosoꞌ shaꞌhuiꞌi. Noya noyanquën ninansoꞌ yonquiato, cantanën cantai.

Éxodo 4:11

—Coꞌta inaso nani nitotërahuë. Ca nohuanto aꞌnaquën noya nonpi. Ca nohuanton chachin aꞌnaquënsoꞌ, co nonpihuëꞌ. Ca nohuanton aꞌnaquën noya quënantopi. Ca nohuanton chachin aꞌnaquënsoꞌ, somarayapi.

Jeremías 1:9

Ina quëran imirin ihuësahuaton cariananinco. Inapotahuatonco nontaantarinco:

Ezequiel 3:27

Napoaponahuëꞌ, maꞌsona yashaꞌhuitohuatënquën noya noantaran. Naporoꞌ quëmarintaꞌ: ‘Sinioro pënënatonpoa naporin,’ itaran. Insosona yanatanpachinquën noya natanapon. Insosona co yanatanpachinquënhuëꞌ, co natanaponhuëꞌ. Co natantochináchinhuëꞌ cancantopi niꞌton, napoaponaꞌ,” itërinco.

Mateo 9:33

Quisosori nosoroaton, sopai aꞌpatërin. Aꞌpatohuachina, aꞌnaroáchin noyatërin. Noya nonsarin huachi. Piyapiꞌsari niꞌpachinara, paꞌyanpi. —Co onporontaꞌ iso pochin niꞌchinëhuahuëꞌ. Iráca quëran huarëꞌ co insontaꞌ isëquë naporinhuëꞌ, topi.

Lucas 1:20

Co natërancohuëꞌ niꞌquëhuarëꞌ, huaꞌquiꞌ co nonsaranhuëꞌ. Huiꞌnan nasitaquë huarëꞌ co nonacamasoꞌ nanitaranhuëꞌ. Napoaponahuëꞌ, noꞌtëquën nontëranquën. Huiꞌnahuanaran. Tahuërinën nanihuachin, saꞌan huaiarin, itërin anquëniri.