Lucas 1:60 - Chayahuita (Shahui)

⁶⁰ Aꞌshinso nipirinhuëꞌ, co nohuantërinhuëꞌ. —Coansha itarai, tënin.

Lucas 1:60 ပူးပေါင်းရင်းမြစ်များ

2 Samuel 12:25

Ina nosororinsoꞌ, Natan quëran Tapi anitotërin. Ina natanaton huiꞌnin iso pochin nohuitërin: Quititiasë itërin.

Isaías 8:3

Ina piquëran miachin saꞌahuëso cayorahuaton, quëmapiaꞌhua yaꞌhuëtaantarin. Naporoꞌ Sinioro itaponco: “Huiꞌnan nohuitaton, Mairo-sararo-aspasoꞌ, itëquëꞌ. Coꞌhuara ina nonaton, ‘tata, mama,’ toshátërasohuëꞌ, Tamasco, Samaria, inapita ninanoroꞌsa minsëaponaꞌ. Asiria copirno piyapinënpitari napotaponaꞌ. Minsërahuatonaꞌ, huaꞌanëna quëpatontacaiso marëꞌ maꞌshanëna paꞌton nipisopita quiquitaponaꞌ,” itërinco.

Mateo 1:25

Macaponahuëꞌ, co ichihuëꞌërinhuëꞌ. Huaꞌhuin nasitërin piquëran huarëꞌ ichihuëꞌërin. Quëmapiaꞌhuaya nasitohuachina, Quisoso itopi.

Lucas 1:13

Anquëniriso nipirinhuëꞌ noya nontërin. —Ama paꞌyanquësohuëꞌ. Quëmasoꞌ Sacariasënquën, nohuitëranquën. Huaꞌquiꞌ huiꞌnahuanacasoꞌ nohuantopiranhuëꞌ. Ina marëꞌ Yosë nontëransoꞌ nataninquën. Saꞌan huaꞌhuanarin. Huaihuachin, nininën cari shaꞌhuitaranquënsoꞌ acotëquëꞌ. Coansha itëquëꞌ.

Lucas 1:61

—Ama nisha nininën acotëquësohuëꞌ. Quëmopinënáchin apoquëꞌ. Ina noya, itopi.

Lucas 1:63

Paꞌpinsoꞌ quirica maꞌpatahuaton, ninshitërin. “Coansha itarahuë,” tënin ninshitaton. Ina nicatonaꞌ: “¡Maꞌpitacha yonquirin paya!” topi.