Lucas 1:53 - Chayahuita (Shahui)

⁵³ Pahuantërinsopita catahuarin nóya yaꞌhuëcaiso marëꞌ. Maꞌhuanoꞌsaso nipirinhuëꞌ, topinan aꞌparin.

Lucas 1:53 ပူးပေါင်းရင်းမြစ်များ

Salmos 34:10

Paꞌpiniaꞌhuaroꞌsanta cosharo pahuantopi. Pahuantohuachinara, tana natanpi. Sinioroíchin yonihuatëhuasoꞌ, nani maꞌsha noya nininsoꞌ co onporo pahuantarinpoahuëꞌ.

Ezequiel 34:29

Noꞌpanënaquë shaꞌtohuachinaꞌ, noya noyatapon. Co huachi tarëtapihuëꞌ. Co inso nacionquë yaꞌhuëpisopitari tërantaꞌ, piyapinëhuëpita yonquiatona tëhuaponahuëꞌ.

Mateo 5:6

Tanarëso pochin, yamororëso pochin cancantatomaꞌ, Yosë naꞌcon nohuantocoꞌ. Ina pochin cancantacasoáchin nohuantohuatamaꞌ, noya niꞌsarinquëmaꞌ. Catahuarinquëmaꞌ ina pochin cancantacamaso marëꞌ. Sano cancantaramaꞌ.

Lucas 1:54

Israiroꞌsaꞌ naꞌcon catahuarin. Piyapinënpita niꞌton, nosororin.

Lucas 6:21

Iporasoꞌ tanapomarahuëꞌ, Yosëꞌpaꞌ co onporontaꞌ tanararamahuëꞌ. Sano cancantaramaꞌ. Isoroꞌpaquë naꞌnëpiramahuëꞌ, inapaquësoꞌ capa cancantaramaꞌ.

Lucas 6:24

Aꞌnaquëmasoꞌ nani maꞌsha yaꞌhuëtopirinquëmahuëꞌ, ¡maꞌhuantacha nisarama paya! ‘Noya cancantarëhuaꞌ,’ topiramahuëꞌ, Yosësoꞌ co noya niꞌsarinquëmahuëꞌ.

Juan 6:35

—Ca inaco. Casoꞌ cosharo pochinco niꞌto, piyapiꞌsaꞌ ananpitomiatarahuë. Imapatamaco, co huachi tanarëso pochin cancantaramahuëꞌ. Natëhuatamaco, co huachi yamororëso pochin cancantaramahuëꞌ. Yosë nohuitohuatamaꞌ, sano cancantaramaꞌ.

1 Corintios 1:26

Niꞌcoꞌ iyaroꞌsaꞌ. Naꞌaquëmaꞌ co naꞌcon nitotopiramahuëꞌ, Yosë huayoninquëmaꞌ. Co chiníquën nanantonaꞌpiroꞌsa pochin nipiramahuëꞌ, nohuantërinquëmaꞌ. Caraíchin maꞌhuanoꞌsasoꞌ imasapi.

1 Corintios 4:8

Canpitasoꞌ naporamaꞌ: “Nani yaꞌipi nitotërai. Co mantaꞌ pahuantërincoihuëꞌ noya cancantaꞌhuaiso marëꞌ. Quiyaora noya nitotatoi, huaꞌan pochin chiníquën nanantërai,” topiramahuëꞌ. ¡Tëhuënchachin chiníquën nanantëramaꞌ naporini, quiyantaꞌ isoroꞌpaquë chachin chiníquën nananchitoihuëꞌ!

1 Samuel 2:5

Aꞌnaquënsoꞌ, huaꞌhuayátërahuë cosharohuanpi. Napoaton, pëꞌsotai huarëꞌ coshatopi. Inapopirinahuë iporasoꞌ pahuantopi niꞌton, piꞌpian tëranta capacaiso marëꞌ patrohuanpi. Aꞌnaquënso tanarápirinahuëꞌ, iporaso noyá coshatopi. Co huaꞌhuanaꞌpihuë sanapintaꞌ, canchisë huarëꞌ huaꞌhuanpitërarin. Naꞌa huaꞌhuanaꞌpiso nipirinhuëꞌ, co huachi huaꞌhuanatonhuëꞌ, copi tënin.