Lucas 1:48 - Chayahuita (Shahui)

⁴⁸ Topinan piyapico nipirahuëꞌ, yonquirinco. Ipora quëran huarëꞌ naꞌa piyapiꞌsaꞌ nohuitarinaco. ‘Ma noyacha Yosëri catahuarin paya,’ tosapi.

Lucas 1:48 ပူးပေါင်းရင်းမြစ်များ

Génesis 30:13

Naporoꞌ Niasoꞌ tapon: “¡Ma noyacha yaꞌhuërahuë paya! Iporaso yaꞌipi sanapiroꞌsaꞌ: ‘¡Ma noyacha inaso yaꞌhuërin paya!’ itaponaco taꞌto, iso huaꞌhuashantaꞌ, Asiri itarahuë,” tënin.

2 Samuel 7:8

Napoaton piyapinëhuë Tapi shaꞌhuitëquëꞌ: ‘Sinioro yaꞌipi nanitaparinso napotërinquën: “Quëmasoꞌ huiꞌnapitapon co máquënquënhuëꞌ ninan. Ohuicaroꞌsa aꞌpairapiranhuëꞌ, carinquën ocoiranquën. Piyapinëhuëpita huaꞌanëntamaso marëꞌ acoranquën.

Salmos 72:17

Noya copirno niꞌton, yaꞌipi parti noya nahuiꞌin. Piꞌi yaꞌhuërárinso pochin inantaꞌ, yonquiraꞌinaꞌ. Insosona noya yaꞌhuëcaso marëꞌ yashaꞌhuihuachin iꞌna yonquiaton shaꞌhuiꞌin. Yaꞌipi nacionoꞌsaquë yaꞌhuëpisopitari ina paꞌyachinaꞌ.

Isaías 66:2

Ca chachin yaꞌipi maꞌsha ninahuë. ¡Acohuatora, caniaritopi yaꞌhuëcaisoꞌ!” tënin. Ina quëran taantarin: “Napoaporahuëꞌ, caso Sinioroco shaꞌhuitaranquëmaꞌ. Insosona catahuacaꞌhuaso nohuantohuachin, nanamëhuë tëꞌhuataton natëpon. Oshahuaninso marëꞌ co napion cancantapon. Naporahuaton: ‘Caora co nanitërahuë noya nicaꞌhuasoꞌ,’ tëcapon. Naporinsopitaráchin, noya nicato catahuaarahuë,” tënin.

Malaquías 3:12

Paꞌpi noyápiachin yaꞌhuarama niꞌton, yaiꞌpi nacionquë yaꞌhuëpisopita, paꞌyatatënëmaꞌ: “¡Ma noyacha inapitaso yaꞌhuëpi paya!” tëcaponaꞌ.’ Ca Sinioroco yaꞌipi nanitapato, napotaranquëmaꞌ,” itërinquëmaꞌ.

Lucas 1:28

Anquëni oꞌmarahuaton, Maria itapon: —Iꞌhuata Maria. Sinioro noya niꞌninquën. Ina chachin catahuarinquën, itërin.

Lucas 1:42

paꞌyataton, chiníquën itapon: —Iꞌhuata huaꞌhuataꞌhua. ¡Ma noya Yosë catahuarinquën! Aꞌnapita sanapiꞌsa quëran noya noya niꞌninquën. Huaꞌhuaontaꞌ noya noya niꞌsarin.

Lucas 1:45

“Yosë noꞌtëquën nontërinco,” tënanso marëꞌ inasoꞌ noya niꞌninquën. Shaꞌhuitërinquënso chachin acotarinquën, itërin Isapirari.

Lucas 1:49

Yosësoꞌ yaꞌipi nanitaparin. Inasoꞌ nóya catahuarinco. Noya noya ninin.

Lucas 11:27

Naꞌa piyapiꞌsaꞌ natanapi. Aꞌna sanapisoꞌ natanahuaton, itërin: —Ma noya aꞌchintërancoi. Mamaparinquën huaꞌhuarinquën niꞌton, ma noya Yosëri niꞌnin. ¡Asoꞌsorinquën niꞌton, nóya cancanchin! tënahuë, tënin chiníquën nonaton.

1 Samuel 1:11

“Sinioro quëmaso yaꞌipi nanitaparan. Piyapinënco niporahuëꞌ parisitërahuëso nicaton, aꞌnara quëmapiaꞌhua huaꞌhuanaꞌhuasoꞌ, quëtoco. Inapotëranco naporini, carinta ina huaꞌhuahuë quëma marëꞌ acoꞌitohuëꞌ. Ina anitotaꞌhuanquënso marëꞌ co onporonta yaꞌiapihuëꞌ,” itërin.

1 Samuel 2:8

Saꞌahuaroꞌsa anotopiso pochin aꞌnaquënso maꞌsha onpopi. Ina quëran opatërëso pochin Siniorori noya acoantarin. Aꞌnaquëontaꞌ, nosorotatona capacaiso marëꞌ huëyoroquë icaratopitërapi. Inapopisopitantaꞌ, Siniorori noya acoantarahuaton huaꞌanoꞌsapitarë ahuënsëarin. Inapotohuachina aꞌnapitarintaꞌ, noya niꞌpi huachi. Sinioroáchin yaꞌipiroꞌpaꞌ ninin. Inari chachin ipora yaꞌhuëarinquë acorin. Ina nohuanton yaꞌipi isoroꞌpaquë yaꞌhuërinsopita noyatarin.