Lucas 1:42 - Chayahuita (Shahui)

⁴² paꞌyataton, chiníquën itapon: —Iꞌhuata huaꞌhuataꞌhua. ¡Ma noya Yosë catahuarinquën! Aꞌnapita sanapiꞌsa quëran noya noya niꞌninquën. Huaꞌhuaontaꞌ noya noya niꞌsarin.

Lucas 1:42 ပူးပေါင်းရင်းမြစ်များ

Génesis 22:18

Quëma natëranco niꞌton, yaꞌipi isoroꞌpaquë nacionoꞌsa yaꞌhuërinsopita, shiparinpita quëran catahuararahuë,” itërin.

Lucas 1:28

Anquëni oꞌmarahuaton, Maria itapon: —Iꞌhuata Maria. Sinioro noya niꞌninquën. Ina chachin catahuarinquën, itërin.

Lucas 1:41

Ina natanahuaton, huaꞌhuin yoꞌnamënquë toꞌmo toꞌmótarin. Isapirantaꞌ nóya cancantërin. Ispirito Santori noyá yaꞌcoancantërin niꞌton,

Lucas 1:43

Inasoꞌ yaꞌipiya huaꞌanëntarinpoaꞌ. Co casoꞌ chiníquën nanantopirahuëꞌ, ¡ma noyacha ina aꞌshinquën nipiranhuëꞌ, nicaponco huëꞌnan paya!

Lucas 1:48

Topinan piyapico nipirahuëꞌ, yonquirinco. Ipora quëran huarëꞌ naꞌa piyapiꞌsaꞌ nohuitarinaco. ‘Ma noyacha Yosëri catahuarin paya,’ tosapi.

Romanos 9:5

Shimashonënpitasoꞌ Yosëri chachin huayonin. Ina quëran Cristo isoroꞌpaquë oꞌmahuachina, Israiro sanapi quëran nasitërin. Inasoꞌ Yosë chachin. Yaꞌipiya huaꞌanëntërinpoaꞌ. ¡Ma noyacha inaso paya! tënëhuaꞌ. Amen.

Hebreos 12:2

Quisocristo naꞌcon yonquiaꞌahuaꞌ. Inasáchin catahuarinpoaꞌ Yosë natëcasoꞌ. Naporahuaton, inasáchin catahuarinpoaꞌ noya noya natëtacasoꞌ. Isoroꞌpaquë oꞌmahuachina, chiníquën parisitërin. Corosëquë parisitohuachina, naꞌcon tëhuapirinahuëꞌ, co ina yonquirinhuëꞌ. “Chiminpato, piyapiꞌsaꞌ nichaꞌësarahuë,” taꞌton, nóya cancantërin. Ina quëran inápaquë panantarahuaton, Yosë inchinanën quëran chachin huënsëarin.

Jueces 5:24

Cairiso nipirinhuëꞌ, aꞌnapita sanapiꞌsa quëran noya noya ninin. Inaporin niꞌton, noya yaꞌhuëcaso marëꞌ shaꞌhuitarahuë. Inasoꞌ, Ipiri saꞌin. Ipirinta Quini piyapi. Israiro nëꞌmëtë pëiroꞌsaquë naꞌa sanapiꞌsa yaꞌhuërin. Inapita quëran naꞌcon naꞌcon Cairisoꞌ, noya yaꞌhuëcaso marëꞌ shaꞌhuitarahuë.