Lucas 1:27 - Chayahuita (Shahui)

²⁷ Inaquë aꞌnara nanon yaꞌhuërin, Maria itopisoꞌ. Cosiri nani nontërin macacaso marëꞌ. Tata masho Tapi shiin inasoꞌ.

Lucas 1:27 ပူးပေါင်းရင်းမြစ်များ

Génesis 3:15

Ca nohuanto sanapi inimicotarinquën. Quëmarinta ina inimicotaran. Quëmá quëran pipipisopitantaꞌ, sanapi quëran pipipisopitarëꞌ niinimicotaponaꞌ. Aꞌna tahuëri sanapi quëran pipirinsoari minsëmiatarinquën. Napoaponahuëꞌ, quëmarinta chiníquën ina aparisitaran, itërin.

Isaías 7:14

Sinioro chachin napoahuarëꞌ maꞌsona aꞌnotarinquëma nitotamaso marëꞌ: Niꞌquëꞌ. Ca nohuanton nanon cayoapon. Inapoaton quëmapiaꞌhuaya huaipon. Inasoꞌ huaꞌhuin nohuitaton, Imanino itapon.

Jeremías 31:22

Huiꞌnama nimintatohuachin, patë patë́rantapon. Canpitanta israiroꞌsanquëma inaporapiramahuëꞌ, ¡copi toco huachi! Ca Sinioroco nasha nininsoꞌ isoroꞌpaquë acoarahuë. Naporahuësoꞌ natanpatamaꞌ, co natëtochináchinhuëꞌ cancantaramaꞌ,’ itërahuë,” tënin.

Mateo 1:16

Cacopontaꞌ huiꞌnahuanpachina, Cosi itopi. Cosi yasaꞌapachina, Maria manin. Ina huaꞌhuinsoꞌ Quisoso, Cristo itopisoꞌ.

Mateo 1:18

Apira Quisocristo nasitërinsoꞌ shaꞌhuichinquëmaꞌ, nitotocoꞌ. Naporo tahuëriꞌsaꞌ Cosisoꞌ, nani Maria nontërin macacaso marëꞌ. Napoaponahuëꞌ coꞌhuara mashatërasohuëꞌ, Ispirito Santo nohuanton inaora cayorin.

Mateo 1:23

“Aꞌna tahuëri nanon inaora cayoapon. Co quëmapiri sëꞌhuapirinhuëꞌ, napoapon. Quëmapiaꞌhuaya huaihuachin, Imanino itapi,” tënin. Yosë chachin oꞌmaton, yacaparinpoaꞌ, tapon naporin. Ina pochin nasitimahuachina, iráca ninopisoꞌ nanirin huachi.

Lucas 1:28

Anquëni oꞌmarahuaton, Maria itapon: —Iꞌhuata Maria. Sinioro noya niꞌninquën. Ina chachin catahuarinquën, itërin.