Lucas 1:26 - Chayahuita (Shahui)

²⁶ Nani saota yoquitohuachina, naquëranchin anquëni isoroꞌpaquë oꞌmantarin, Capiri itopisoꞌ. Nasaritoquë Yosëri aꞌpaimarin, Cariria parti yaꞌhuërinsoꞌ.

Lucas 1:26 ပူးပေါင်းရင်းမြစ်များ

Daniel 9:21

Ina pochin nontasoco, aꞌnara anquëni huaꞌan yanponahuaton huëcapairinco. Iracanta huaꞌnarahuëquë quënanahuëso chachin huëꞌnin. Panca tëhuërënahuasoꞌ Yosë marëꞌ maꞌsha tëpapisoꞌ ahuiquitopi. Naporo ora pochin yaꞌnotahuatonco: “Naniri. ¿Yaꞌhuëaran? Yosë nani yonquirin catahuainquëmasoꞌ. Ina noꞌtëquën ayonquicaꞌhuanquënso marëꞌ oꞌmarahuë.

Mateo 2:23

Inatohuaꞌ aꞌna ninanoꞌ yaꞌhuërin, Nasarito itopisoꞌ. Inaquë yaꞌhuërarin. Iráca pënëntonaꞌpiroꞌsaꞌ ninopi. “Cristo huëꞌpachin, Nasarito piyapi itaponaꞌ,” topi. Napoaton Yosë nohuanton, inaquë yaꞌhuaton, huiꞌnapitërin huachi.

Lucas 1:19

—Casoꞌ Capirico. Yosë yaꞌhuërin quëran oꞌmarahuë. Ina aꞌpaimarinco nontaꞌhuanquënso marëꞌ. Noya nanan shaꞌhuitopiranquënhuëꞌ.

Lucas 2:39

Yaꞌipi iráca pënëntërinsoꞌ nani natëhuachinara, Cosiso saꞌinë chachin Cariria parti paantarin. Nasaritoquë yaꞌhuantarin.

Lucas 2:4

Cosisoꞌ Cariria parti yaꞌhuërin. Nasaritoquë yaꞌhuëpirinhuëꞌ, ina quëran pipirahuaton, Cotia parti paꞌnin. Inaquë canconahuaton, Pirinꞌpaꞌ paꞌnin. Iráca Tata masho Tapi inaquë huaꞌhuatërin. Ina shiin niꞌton, inaquë paꞌnin nininën niacotacaso marëꞌ.

Juan 7:41

—Cristo mini tënahuë, tënin aꞌnaquën. —Co inahuëꞌ nimara. Cristo naporini co Cariria parti quëran huëꞌitonhuëꞌ.