Lucas 1:25 - Chayahuita (Shahui)

²⁵ “Ma noyacha Yosë catahuarinco niꞌton, huaꞌhuanarahuë paya. Ina nohuanton, co huachi tapan yaꞌhuëtarincohuëꞌ,” tënin yonquiaton.

Lucas 1:25 ပူးပေါင်းရင်းမြစ်များ

Génesis 25:21

Nipicasoꞌ, co nanitërinhuë huaꞌhuanacasoꞌ. Ina marëꞌ Isaco Sinioro nontërin. Napohuachina, nontërinsoꞌ natanahuaton, catahuarin niꞌton, Nipica cayorin huachi.

2 Samuel 6:23

Naporinso marëꞌ Micarosoꞌ, co huaꞌhuanaꞌpihuëꞌ quëparitërin.

Lucas 1:13

Anquëniriso nipirinhuëꞌ noya nontërin. —Ama paꞌyanquësohuëꞌ. Quëmasoꞌ Sacariasënquën, nohuitëranquën. Huaꞌquiꞌ huiꞌnahuanacasoꞌ nohuantopiranhuëꞌ. Ina marëꞌ Yosë nontëransoꞌ nataninquën. Saꞌan huaꞌhuanarin. Huaihuachin, nininën cari shaꞌhuitaranquënsoꞌ acotëquëꞌ. Coansha itëquëꞌ.

Lucas 1:24

Ina quëran co huaꞌquiya quëranhuëꞌ saꞌin cayorin huachi. Aꞌnatërápo yoqui pochin co intoasoꞌ paꞌninhuëꞌ. Pëinënquë yaꞌhuárin.

Hebreos 11:11

Inasoꞌ, chiníquën Yosë natërin. “Nani máshoco. Sarantaꞌ co huaꞌhuanaꞌpihuëꞌ nipirinhuëꞌ, Yosë shaꞌhuitërinco niꞌton, oshaquëran huiꞌnahuë yaꞌhuëtarinco,” tëninso marëꞌ, Yosë nohuanton, huiꞌnahuanin huachi.

1 Samuel 1:6

Napoaton Pininarisoꞌ co yainhuëꞌ nontërin. Naporahuaton Sinioro nohuanton co huaꞌhuanaꞌpihuë niꞌton, nocanaton tëhuarin. Noꞌhuiantërinsoꞌ nichinapon chachin napotërin.