Lucas 1:14 - Chayahuita (Shahui)

¹⁴ Nasitohuachin, noya cancantaran. Naꞌa piyapiꞌsari paꞌyatapi.

Lucas 1:14 ပူးပေါင်းရင်းမြစ်များ

Génesis 21:6

Naporoꞌ Sara yonquirin: “Yosë catahuarinco niꞌton, capa cancantato, tëhuarahuë. Aꞌnapitantaꞌ, huaꞌhuanahuëso nitotohuachinaꞌ, yaꞌipiya quëran capa cancantatona tëhuaponaꞌ.

Proverbios 23:24

Yonquínahuan nisahuaton noya huiꞌnapi nipachin, noꞌtën chachin paꞌpinsoꞌ, noya cancantarin. “Ma noyacha huiꞌnahuë yaꞌhuëtërinco paya,” taꞌcasonta nanitërin.

Lucas 1:13

Anquëniriso nipirinhuëꞌ noya nontërin. —Ama paꞌyanquësohuëꞌ. Quëmasoꞌ Sacariasënquën, nohuitëranquën. Huaꞌquiꞌ huiꞌnahuanacasoꞌ nohuantopiranhuëꞌ. Ina marëꞌ Yosë nontëransoꞌ nataninquën. Saꞌan huaꞌhuanarin. Huaihuachin, nininën cari shaꞌhuitaranquënsoꞌ acotëquëꞌ. Coansha itëquëꞌ.

Lucas 1:15

Inasoꞌ nóya quëmapi nipon. Yosëri catahuaarin niꞌton, noya noya nisarin. Naporahuaton, co piꞌpian tërantaꞌ main oꞌoponhuëꞌ. Coꞌhuara nasichátëraponhuëꞌ, Ispirito Santori yaꞌcoancantarin. Inasáchin natëarin.

Lucas 1:58

Quëmopinënpita, yaꞌcariya yaꞌhuëpisopita, inapita natantopi. “¡Ma noya Yosëri catahuarin niꞌton, noya huairin! taꞌtonaꞌ,” nóya cancantopi.