Lucas 1:10 - Chayahuita (Shahui)

¹⁰ Aꞌpësoꞌ, naꞌa piyapiꞌsaꞌ aipiran huanirahuatonaꞌ, Yosë nontapi.

Lucas 1:10 ပူးပေါင်းရင်းမြစ်များ

Levítico 16:17

Aaron noya noya patoanaquë israiroꞌsa oshanëna inquitaꞌhuaso marëꞌ camaitërahuëso niin. Inapoasoꞌ, co insonta chinotëramacoso nëꞌmëtë pëiquë yaꞌconacaso yaꞌhuërinhuëꞌ. Ina quëran pipiahuarëꞌ, yaꞌconaponaꞌ. Nani inaoranquën, saꞌin, huiꞌninpita, yaꞌipi israiroꞌsaꞌ, inapita Siniorori oshanën inquitohuachin, Aaron pipiarin. Pipirahuaton artaro yaꞌhuërëꞌ tapaarin. Inasoꞌ artaro chinotëramacoso nëꞌmëtë pëi ótënpiso notënanquë yaꞌhuërin. Toroaꞌhua, chipo, inapita huënainën piꞌpian masahuaton, artaro pomonënpita pashitarin. Naporahuaton yaꞌipi tahuirinquë pashitarin.

Hebreos 4:14

Iporasoꞌ Quisoso imarëhuaꞌ. Yosë huiꞌnin chachin inasoꞌ. Nani inápaquë panantarahuaton, Yosëꞌpaꞌ yaꞌhuarin. Corto huaꞌan chini chiníquën nanantërinso pochin Yosëri acorin catahuainpoaso marëꞌ. Napoaton ama ina naniantatëhuahuëꞌ, imamiatahuaꞌ.

Hebreos 9:24

Iráca chinotopiso pëiꞌ, piyapiꞌsari ninin. Quisocristosoꞌ, co inaquë yaꞌconinhuëꞌ. Yosë yaꞌhuërinquë chachin pantarahuaton, canpoa marëꞌ Yosë nontárin. “Oshanënaꞌ inquitaꞌhuaso marëꞌ nani chiminahuë,” taꞌton, nontárin.

Apocalipsis 8:3

Coꞌhuara pihuiyatërasoihuëꞌ, aꞌna anquënintaꞌ huëcaton, Yosë chinotopiquë artaroaꞌhuaya notënanquë huaniconin. Aꞌpëtinan oro quëran nininsoꞌ sëꞌquërin. Inaquë naꞌa yonarin pochin pimóchin nininsoꞌ acorin panca tomontacaso marëꞌ. Yosë yaꞌhuërinquë chachin tomontarin. Tomontërinso pochin Yosë imapisopitantaꞌ ina nontápi. “Ma noyanquëncha quëmaso paya. Nani tahuëri catahuacoi, Sinioro,” itohuachinara, noya natanin.