Levítico 23:42 - Chayahuita (Shahui)

⁴² Ina canchisë tahuëriꞌsa chachin canpitaso israiroꞌsanquëmaꞌ, chinotatomaco imënamëroꞌsaquë yaꞌhuëaramaꞌ.

Levítico 23:42 ပူးပေါင်းရင်းမြစ်များ

Génesis 33:17

Cacoposo nipirinhuëꞌ, Socoto parti paꞌnin. Inaquë pëitacaiso marëꞌ piyapinënpita camairin. Naporahuaton, pëꞌtahuanënpita naꞌicaiso marëꞌ tanporaꞌhuaroꞌsa anitërin. Napoaton, ina noꞌpaꞌ “Socoto” itërin.

Levítico 23:41

Pascoa yoqui naꞌhuërin quëran huarëꞌ canchisë yoquitapasoꞌ, nani piꞌiquë ca marëꞌ pita nisaramaꞌ. Canchisë tahuëri niyontonatoma chinotaramaco. Ipora camairanquëmasopita, co canpitasáchin camairanquëmahuëꞌ. Shiparimapitantaꞌ, natëcaiso yaꞌhuërin.

Números 24:2

Yaꞌipi israiroꞌsa yaꞌhuëpiquë, aꞌna huënton aꞌna huënton nëꞌmëtë pëinëna ótënaꞌpiapi quënanin. Naporo chachin Yosë ispiritonëni, yaꞌcoancantërin huachi.

Números 24:5

Cacopo shinpitanquëma ninamasoꞌ: ¡Ma noyápiachincha nëꞌmëtë pëinëmaso paya! Israiroꞌsanquëma ninamasoꞌ: ¡Ma noyápiachincha yaꞌhuëramaso paya!

2 Corintios 5:1

Niꞌcoꞌ. Pëiꞌ nëꞌmëtë quëran nipachinara, co huaꞌquirinhuëꞌ. Inapochachin nonënpoantaꞌ co yaꞌhuëmiatarinhuëꞌ. Chiminpatëhuaꞌ, Yosëꞌpaꞌ paꞌpatëhuaꞌ, nasha nonënpoaꞌ Yosë quëtarinpoaꞌ. Noya noya nininsoꞌ quëtarinpoaꞌ. Inasoꞌ co onporontaꞌ chanatarinhuëꞌ.