Levítico 23:15 - Chayahuita (Shahui)

^15-17 Noya noyatërinsopita sipata sëꞌtamo aꞌnotëramacoso tahuëri, yonquicoꞌ. Chinoto tahuëri tahuëririnquë, corto huaꞌani ca marëꞌ ina ahuiquitarin. Inapotërinso tahuëri quëran, canchisë chinoto tahuëri pichisaramaꞌ. Tahuëririnquësoꞌ, aꞌnatërápo shonca tahuëri icanin. Naporoꞌ yaꞌhuëramaquë, nasha trico masaramaꞌ. Ina manama quëran, ca marëꞌ pan ninamasoꞌ, quëshipomaco. Iso pochin nisaramaꞌ: Trico roꞌmo noya noya nininsoꞌ quëran, cato pan ahuëpocatopinan nisaramaꞌ. Aꞌnaya aꞌnaya catapini quiro quëꞌninsoꞌ. Yaꞌnan nitërinsopita noya noyatërinsoꞌ quëran, ca marëꞌ nicapomaꞌ.

Levítico 23:15 ပူးပေါင်းရင်းမြစ်များ

Éxodo 34:22

Simanaroꞌsa pita itopisonta naꞌhuëcoꞌ. Naporo tahuëriꞌsa yaꞌnan trico cayarinso manamasoꞌ, quëtaramaco. Naporahuaton nisha nisha nitërinsopita nanquiramasoꞌ pitantaꞌ, naꞌhuëcoꞌ.

Hechos 2:1

Ina quëran Pinticosti tahuëri nanihuachina, Quisoso imapisopita inaquëráchin niyontonpi.