Levítico 23:10 - Chayahuita (Shahui)

^10-11 “Israiroꞌsa shaꞌhuitëquëꞌ: Noꞌpaꞌ quëtaranquëmataquë yaꞌhuëhuatamaꞌ, sipata shaꞌnamaso cayahuachin, quëshico. Noya noyatërinsopita quëran yaꞌnan sëꞌtamo manamasoꞌ, corto huaꞌan quëtoncoꞌ. Inari chinoto tahuëri tahuëririnquë aꞌnotaponco. Aꞌnotohuachinco carinta israiroꞌsa noya niꞌsarahuë.

Levítico 23:10 ပူးပေါင်းရင်းမြစ်များ

Éxodo 34:22

Simanaroꞌsa pita itopisonta naꞌhuëcoꞌ. Naporo tahuëriꞌsa yaꞌnan trico cayarinso manamasoꞌ, quëtaramaco. Naporahuaton nisha nisha nitërinsopita nanquiramasoꞌ pitantaꞌ, naꞌhuëcoꞌ.

Éxodo 34:26

Aꞌna tahuëri chinotamacoso pëi yaꞌhuëapon. Naporoꞌ sharoꞌsa yaꞌnan nitërinsoꞌ noya noyatërinsopita ca marëꞌ quëpaaramaꞌ. Chipoaꞌhuaroꞌsa ama aꞌshin shoꞌshoinënquë anpicosohuëꞌ,” itërin Siniorori.

Levítico 23:9

Naquëranchin Siniorori Moisësë nontaantarin:

Romanos 11:16

Niꞌcoꞌ. Pan nipachinara, yaꞌnan nipisoꞌ Yosë marëꞌ acohuachina, yaꞌipi chachin noya ninin. Nara itëntaꞌ noya nipachina, sëꞌpaquëontaꞌ noya nisarin.

Santiago 1:18

Inaora nohuanton, anasitaantatonpoa pochin nasha cancan quëtërinpoaꞌ. Inasoꞌ noꞌtëquën nonin. Nanamën natëhuatëhuaꞌ, huëntonënquë ayaꞌcoaninpoaꞌ. Huiꞌninpita pochachin niꞌninpoaꞌ. Canpoaꞌton anoyacancantërinpoaꞌ. Ina quëran oshaquëran naꞌayaꞌpi anoyacancantarin.

Apocalipsis 14:4

Noyápiachin cancantapi. Co piꞌpisha tërantaꞌ monshihuanaꞌpi pochin cancantopihuëꞌ. Yosëíchin yonquiapi. Insëquësona Carniroaꞌhua paꞌpachin, imasapi. Isoroꞌpaquë yaꞌhuëpirinahuëꞌ, nani Yosëri nichaꞌërin. Yaꞌnan cayarinso macatëꞌ Yosë quëtërëso pochin nicatonaꞌ, inasáchin chinotapi. Nani tahuëri Carniroaꞌhuantaꞌ chinotapi.

Rota naporinso' 1:22

Ina pochin Noimisoꞌ, Moapo noꞌpa quëran huënantarin. Huaꞌhuatën Rota itopisorëꞌ huënantarin. Sipata macacaisoꞌ caniaritapaso canquipi.