Levítico 23:1 - Chayahuita (Shahui)

¹ Siniorori Moisësë nontaton itapon:

Levítico 23:1 ပူးပေါင်းရင်းမြစ်များ

Isaías 1:13

Co noyahuëꞌ nisápomarahuëꞌ, maꞌsha tëpatoma chinotamacoso marëꞌ yáquënamaꞌ. Inapita quënamasoꞌ, co manta paꞌtërinhuë pochin niꞌnahuëꞌ. Inapita aꞌpëhuatamara conainën pantarinsoꞌ, co huachi ahuantërahuëꞌ. Nani sahuato, nani yoquiaꞌhuaraiquë, niyontonatoma chinotëramaco. Co noyahuëꞌ cancantërama niꞌton, niyontonpiramahuëꞌ amiranquëmaꞌ. Amitënquëmaꞌ, co huachi ahuantëranquëmahuëꞌ.

Levítico 23:2

“Isontaꞌ, israiroꞌsa camaitërahuëso shaꞌhuitëquëꞌ: Nisha nisha yoquiquë, nisha nisha tahuëri nani huayonahuë. Canpita niyontonatomaꞌ, casáchin chinotamacoso marëꞌ huayonahuë. Ina tahuëriꞌsa nohuitatomaꞌ: ‘Sinioro marëꞌ niyontonëhuaso tahuëriꞌsaꞌ,’ tosaramaꞌ.

Levítico 23:44

Siniorori napotërinso chachin Moisësëri israiroꞌsaꞌ, shaꞌhuitërin. Nisha nisha tahuëriꞌsaquë, nisha nisha pita Sinioro yonquiatonaꞌ, noya naꞌhuëcaiso marëꞌ shaꞌhuitërin.

Gálatas 4:10

Cotioroꞌsa pochin sahuato tahuëri chinotëramaꞌ, yoquiaꞌhuarai tahuëriꞌsantaꞌ, chinotantaramaꞌ. Nani piꞌipi nisha nisha niyontonpiso tahuëriꞌsaꞌ naꞌhuëramaꞌ. “Ina marëꞌ Yosë noya niꞌninpoaꞌ,” topiramahuëꞌ, co ina marëꞌ noya niꞌninquëmahuëꞌ.

Colosenses 2:16

Napoaton nisha pënënpachinënquëmaꞌ, ama natëcosohuëꞌ. “Nani maꞌsha caꞌpatëhuaꞌ, oꞌopatëhuaꞌ, oshahuanarëhuaꞌ,” topi aꞌnaquën. Nani sahuato tahuëri chinotopi. Nani yoquiaꞌhuaraiquë chinotopi. Nisha nisha niyontopiso tahuëriꞌsaꞌ naꞌhuëpi. “Co quiya pochin nipatamahuëꞌ, co noꞌtëquën imaramahuëꞌ,” itarinënquëmaꞌ. Nipirinhuëꞌ, ama inapitasoꞌ natëcosohuëꞌ.