Levítico 19:4 - Chayahuita (Shahui)

⁴ Ama mamanshi chinotocosohuëꞌ. Ama huaꞌna asoquirama quëran mamanshi ca pochin chinotamaso marëꞌ nicosohuëꞌ. Caso Yosëco napotaranquëma niꞌton, natëco.

Levítico 19:4 ပူးပေါင်းရင်းမြစ်များ

Salmos 96:5

Piyapiroꞌsa mamanshinënapitasoꞌ, co máquënhuëꞌ. Sinioroso nipirinhuëꞌ, piꞌiroꞌtë acorin.

Éxodo 20:23

Ama mamanshi ca pochin chinotamaso marëꞌ nicosohuëꞌ. Oro, prata, co inapita quëran nicacaso yaꞌhuërinhuëꞌ.

Éxodo 32:4

Aaronsoꞌ ina masahuaton, asoquirin. Nani soquihuachina huaꞌnatëquë sacataton, toroaꞌhuaya nonanin. Tënihuachina yaꞌipiya quëran nonca topi: —¡Iso mini yosënënpoa Iquipito quëran ocoirinpoasoꞌ! topi.

Éxodo 34:17

Ama onporo tëranta huaꞌna asoquirahuatomaꞌ, mamanshi nicosohuëꞌ.

Levítico 19:25

Aꞌnatërápo piꞌipinquë tëhuënchinsoꞌ, noya huachi iroaramaꞌ. Inapohuatamaꞌ, shanëma naꞌcon naꞌcon nitapon. Caso Yosëco napotaranquëma niꞌton, natëco.

Levítico 19:5

Nanan anoyatërëhuaso marëꞌ chinotatomaco, maꞌsha tëpahuatamaꞌ, noya cancantatoma inapocoꞌ. Noya niꞌinquëmaꞌ.

1 Corintios 10:14

Napoaton iyaroꞌsaꞌ ama piꞌpisha tërantaꞌ mamanshi moshacosohuëꞌ. Nosororanquëmaꞌ niꞌton, pënënaranquëmaꞌ.

Deuteronomio 7:25

Mamanshinëna chinotopisoꞌ, ahuiquitaramaꞌ. Aꞌnaquën mamanshi oro quëran, prata quëran ina quëranpita tanónën pashitopi. Niꞌcona ina machináchin cancantotamaꞌ. Inapohuatamasoꞌ, co Sinioro nohuantërinsohuëꞌ nisaramaꞌ.

1 Juan 5:21

Apiaꞌhuaroꞌsaꞌ. Mamanshiroꞌsasoꞌ, co moshacasoꞌ yaꞌhuërinhuëꞌ. Yosëíchin chinotahuaꞌ. Nani huachi. Coansha