Levítico 19:31 - Chayahuita (Shahui)

³¹ Ama chimipiroꞌsa përahuaꞌyancosohuëꞌ. Ama pënotonquë maꞌsha nitotacaso marëꞌ pacosohuëꞌ. Ina pochin nipatamaꞌ, amirotochináchin nisaramaꞌ. Caso Yosëco napotaranquëma niꞌton, natëco.

Levítico 19:31 ပူးပေါင်းရင်းမြစ်များ

2 Reyes 23:24

Cosiasësoꞌ, Yosëíchin cancantaton, pënotonoꞌsaꞌ, ninotonaꞌpiroꞌsaꞌ, inapitanta yaꞌipi ayatërin. Quëmopinënapitarëꞌ mamanshi moshapisonta napotërin. Nisha nisha mamanshiroꞌsaꞌ, nisha nisha moshacaiso marëꞌ Quirosarinquë yaꞌhuëtopisoꞌ, Cota huëntonquënta yaꞌhuëtopisoꞌ, ayatërin. Inapitaso Yosëri co quëꞌyarinhuë niꞌton, napotërin. Iriquiasë corto huaꞌan, Sinioro chinotacaso pëiquë pënëntërinso quirica quënaninso natëton, naporin.

Isaías 8:19

Aꞌnaquënsoꞌ, shaꞌhuitëranquëmasopita co natëtatonahuëꞌ: ‘Chimipiroꞌsa apërahuaꞌyantatomaꞌ, natancoꞌ. Pënotonoꞌsanta sacaronquë nonpisopita natahuan. ¡Nisha nisha piyapiꞌsa yosënëna natanacaiso yaꞌhuërin! ¡Chimipiroꞌsa tëranta nanpiarëhuasopita maꞌsona onpocasoꞌ anitotiinpoaso marëꞌ natanacaiso yaꞌhuërin!’ itaponëmaꞌ. Inapitaso napopirinahuëꞌ, co piꞌpian tëranta noya yonquiatona naporapihuëꞌ. Co tahuërianpitërëso pochin nishátërapihuëꞌ.

Levítico 19:26

Maꞌsha capamaso marëꞌ tëpahuatamaꞌ, huënainën noyá inquicoꞌ. Ama aniꞌtacaso marëꞌ pënotonquë pacosohuëꞌ. Ama pënotatoma aꞌna tahuëri maꞌsona onpocaiso shaꞌhuicamaso nohuantocosohuëꞌ.

Levítico 19:3

Tatama noya nicatoma natëcoꞌ. Mamamanta natëcoꞌ. Chinoto tahuëri shaꞌhuitëranquëmasoꞌ noya nicatoma chinotocoꞌ. Caso Yosëco napotaranquëma niꞌton, natëco.

Hechos 8:11

Huaꞌquiꞌ pënotaton, piyapiꞌsaꞌ nonpintërin. Napoaton natëpi.

Gálatas 5:20

Co noyahuëꞌ yonquihuachinara, mamanshi moshapi, pënotopi, co nanan anoyatopihuëꞌ, co napopianachin yonquipihuëꞌ. Aꞌpitatonaꞌ, aꞌnaroáchin noꞌhuitopi, nipinopi. Aꞌna huënton aꞌna huënton co noyahuëꞌ ninicatonaꞌ yaꞌhuëpi. Nisha nisha yonquiatonaꞌ, yaꞌhuëpi.

Apocalipsis 21:8

Aꞌnapitaso nipirinhuëꞌ parisitáponaꞌ. Ayaroꞌ tahuëri naꞌa piyapiꞌsaꞌ pënquë paꞌsapi. Tëꞌhuatonaꞌ aꞌpopisopita, co natëpisopitahuëꞌ, co natëtochináchinhuëꞌ cancantopisopita, tëpatonaꞌpiroꞌsaꞌ, monshihuaninsopita, pënotonoꞌsaꞌ, mamanshi chinotopisopita, nonpinaꞌpiroꞌsaꞌ, inapita panca sono shaꞌpimoꞌshirë chachin pën tënëntápaquë paꞌsapi. Inaquë parisitáponaꞌ. Huaranca huaranca piꞌipintaꞌ nipirinhuëꞌ, co onporontaꞌ pipiapihuëꞌ.

1 Samuel 28:3

Samoiro chimininsoꞌ ayonquiantaꞌinquëmaꞌ: Ina chiminpachina yaꞌipi israiroꞌsari naꞌnëtopi. Ina quëran Namaquë paꞌpitopi. Huaꞌhuatërinso ninanoquë chachin napotopi. Saonosoꞌ iráca chachin ninotonaꞌpiroꞌsa Israiro noꞌpa quëran ocoirin. Chimipiroꞌsa huaꞌyanën nito përatona nontopisopitantaꞌ, napotërin.