Levítico 19:26 - Chayahuita (Shahui)

²⁶ Maꞌsha capamaso marëꞌ tëpahuatamaꞌ, huënainën noyá inquicoꞌ. Ama aniꞌtacaso marëꞌ pënotonquë pacosohuëꞌ. Ama pënotatoma aꞌna tahuëri maꞌsona onpocaiso shaꞌhuicamaso nohuantocosohuëꞌ.

Levítico 19:26 ပူးပေါင်းရင်းမြစ်များ

Génesis 9:4

Huënaiso nipirinhuëꞌ, ama caꞌcosohuëꞌ. Maꞌsha tëpahuatamaꞌ, huënainën noyá inquitahuatomaꞌ, caꞌcoꞌ. Huënainëni ananpirin niꞌton, ama inaso caꞌcosohuëꞌ.

Éxodo 7:11

Copirnoso nipirinhuëꞌ, nitotonoꞌsaꞌ, pënotonoꞌsaꞌ, inapita amatërin. Inapitanta pënotatonaꞌ, inachachin nicacaiso marëꞌ amatërin.

Éxodo 8:7

Napoaponahuëꞌ, Iquipito pënotonoꞌsanta pënotatonaꞌ, iꞌ quëran huarira ocoipi antaꞌ. Inapitanta yaꞌipi ina roꞌtë yanquëëtopi.

Daniel 2:10

—Co insonta isoroꞌpaquë ina pochin shaꞌhuicaso nanitërinhuëꞌ. Naporahuaton, co inso copirno tëranta magiaroꞌsaꞌ, ninotonaꞌpiroꞌsaꞌ, quirica nitotoroꞌsaꞌ, inapita quëma pochin nataninhuëꞌ. Chiníquën nanantaponahuëꞌ, co inapochininhuëꞌ.

Levítico 19:25

Aꞌnatërápo piꞌipinquë tëhuënchinsoꞌ, noya huachi iroaramaꞌ. Inapohuatamaꞌ, shanëma naꞌcon naꞌcon nitapon. Caso Yosëco napotaranquëma niꞌton, natëco.

Malaquías 3:5

Naquëranchin Sinioro nontatënquëmaꞌ: “Caso Sinioroco, yaꞌipi nanitapato shaꞌhuitaantaranquëmaꞌ: ‘Naporoꞌ oꞌmahuato, coisë pochin nisarahuë. Noya nipatamaꞌ, noya acoaranquëmaꞌ. Co noyahuëꞌ cancantatona pënotohuachinasoꞌ, anaꞌintarahuë. Nitëhuananpitohuachinaꞌ, Yoscoarëꞌ taponahuë nonpinpachinaꞌ, patronoꞌsa piyapinënapita co noꞌtëquën pahuërëhuachinahuëꞌ, quëyoronoꞌsaꞌ, saꞌahuaroꞌsaꞌ, inapita co nitocatahuahuachinahuëꞌ, nisharoꞌsa aparisitohuachinaꞌ, co tëꞌhuatohuachinacohuëꞌ, inapitanta anaꞌintarahuë,’ tënahuë,” itërinquëmaꞌ.

Hechos 15:20

Nipirinhuëꞌ, piꞌpian pënënacaso marëꞌ ninshitahuaꞌ. Nisha piyapiꞌsaꞌ maꞌsha tëpapi mamanshi moshacaiso marëꞌ. Ina nosha Quisoso imapisopita tananpichinaꞌ. Naporahuatonaꞌ, aꞌnaquën maconorahuatonaꞌ, maꞌsha tëpapi. Co huënainën noya inquitopihuëꞌ. Ina noshantaꞌ ama caꞌinasohuëꞌ. Naporahuatonaꞌ, ama monshihuainasohuëꞌ, Inaíchin pënëanhuanꞌ.

Deuteronomio 12:16

Huënainënso nipirinhuëꞌ, ama caꞌcosohuëꞌ. Iꞌsha oporëso pochin noꞌpaquë opocoꞌ.

Deuteronomio 12:23

Huënainënso nipirinhuëꞌ, ama caꞌcosohuëꞌ. Huënainëni maꞌsha ananpirin niꞌton, ama inaso caꞌcosohuëꞌ.

1 Samuel 14:32

Napoinquëran inahuasoꞌ, inimicoroꞌsa osërëtopiso mapi. Ohuicaroꞌsaꞌ, ohuacaroꞌsaꞌ, toroaꞌhuaroꞌsaꞌ, inapita masahuatona tëpapi. Noꞌpaquë tëparahuatonaꞌ, co huënainën inquitaponaraihuëꞌ caꞌpi.

1 Samuel 14:33

Inapo caꞌsapirinahuëꞌ, aꞌnaquëni Saono shaꞌhuitapona paꞌpi: —Sinioro pënëntërinsoꞌ co natëtonaraihuëꞌ, sontaroꞌsa oshahuanapi. Maꞌsharoꞌsa tëpatona co huënainën inquitaponaraihuëꞌ caꞌsapi, itopi. Napotohuachinara, sontaronënpita itapon: —Sinioro camaitërinsoꞌ, co canpitaso natëramahuëꞌ. Aꞌnara pancaraꞌpi piꞌnapirahuatoma quëshico.

1 Samuel 15:23

Pënotonquë aniꞌtohuatëra oshahuanëso pochachin, Yosë camaitërinsonta co natëhuatërahuëꞌ, oshahuanëꞌ. Mamanshi moshahuatëra oshahuanëso pochachin co Yosë natëchináchinhuëꞌ cancantohuatërantaꞌ, oshahuanëꞌ. Quëmasoꞌ Sinioro camairinquënsoꞌ, nocanan. Ina pochachin inantaꞌ, quëma copirno nisápasoꞌ nocaninquën,” itërin.