Levítico 19:25 - Chayahuita (Shahui)

²⁵ Aꞌnatërápo piꞌipinquë tëhuënchinsoꞌ, noya huachi iroaramaꞌ. Inapohuatamaꞌ, shanëma naꞌcon naꞌcon nitapon. Caso Yosëco napotaranquëma niꞌton, natëco.

Levítico 19:25 ပူးပေါင်းရင်းမြစ်များ

Levítico 19:10

Oparonëmanta nitërinsoꞌ, ama naniarin quëran huarëꞌ macosohuëꞌ. Shitatërinsopitanta ama oshatocosohuëꞌ. Saꞌahuaroꞌsaꞌ, nisharoꞌsaꞌ, inapita marëꞌ acotocoꞌ. Caso Yosëco napotaranquëma niꞌton, natëco.

Levítico 19:24

Catapini piꞌinquësoꞌ yaꞌipi nitërinsoꞌ ca marëꞌ acoaramaꞌ. Naporoꞌ chinotatomaco, capa cancantaramaꞌ.

Levítico 19:26

Maꞌsha capamaso marëꞌ tëpahuatamaꞌ, huënainën noyá inquicoꞌ. Ama aniꞌtacaso marëꞌ pënotonquë pacosohuëꞌ. Ama pënotatoma aꞌna tahuëri maꞌsona onpocaiso shaꞌhuicamaso nohuantocosohuëꞌ.

Levítico 19:3

Tatama noya nicatoma natëcoꞌ. Mamamanta natëcoꞌ. Chinoto tahuëri shaꞌhuitëranquëmasoꞌ noya nicatoma chinotocoꞌ. Caso Yosëco napotaranquëma niꞌton, natëco.

Levítico 19:4

Ama mamanshi chinotocosohuëꞌ. Ama huaꞌna asoquirama quëran mamanshi ca pochin chinotamaso marëꞌ nicosohuëꞌ. Caso Yosëco napotaranquëma niꞌton, natëco.

Levítico 23:14

Yaꞌipi inapita ca marëꞌ quënamasoꞌ, corto huaꞌani ahuiquitarin. Coꞌhuara inapochátërasohuëꞌ, co canpitaso ina sipata quëran pan nicatoma capamaso yaꞌhuërinhuëꞌ. Co iyanatoma tërantaꞌ, co nanpira tërantaꞌ, capamaso yaꞌhuërinhuëꞌ. Yaꞌipi ipora camairanquëmasopita, co canpitasáchin camairanquëmahuëꞌ. Shiparimapitantaꞌ, natëcaiso yaꞌhuërin. Insëquë tëranta yaꞌhuëpatamaꞌ, ina pochin nicacamaso yaꞌhuërin.