Levítico 19:23 - Chayahuita (Shahui)

²³ Noꞌpaꞌ quihuitëranquëmaquë yaꞌconpatamaꞌ, nisha nisha huayoroꞌsa shaꞌsaramaꞌ. Nitohuachinaꞌ, co aꞌnaroáchin iroaramahuëꞌ. Cara piꞌipi nitërinsoꞌ, piyapi co marcahuanhuë pochin nitaramaꞌ.

Levítico 19:23 ပူးပေါင်းရင်းမြစ်များ

Éxodo 6:12

—Icotëmiachinco niꞌton, co israiroꞌsa tëranta natërinacohuëꞌ. Aquëtë huarëꞌ copirnosoꞌ, co natëponcohuëꞌ, itërin Moisësëri.

Éxodo 6:30

Moisësëso napoaponahuëꞌ: —Caso Sinioro icotëmiachinco niꞌto, copirno co natëponcohuëꞌ, itërin.

Levítico 19:22

Ina carnirosoꞌ, tëhuënaꞌpi oshanën marëꞌ tëparapi. Inapotohuachinaꞌ, corto huaꞌan ina marëꞌ nontarinco niꞌton, oshanën inquitarahuë.

Levítico 19:24

Catapini piꞌinquësoꞌ yaꞌipi nitërinsoꞌ ca marëꞌ acoaramaꞌ. Naporoꞌ chinotatomaco, capa cancantaramaꞌ.

Levítico 23:14

Yaꞌipi inapita ca marëꞌ quënamasoꞌ, corto huaꞌani ahuiquitarin. Coꞌhuara inapochátërasohuëꞌ, co canpitaso ina sipata quëran pan nicatoma capamaso yaꞌhuërinhuëꞌ. Co iyanatoma tërantaꞌ, co nanpira tërantaꞌ, capamaso yaꞌhuërinhuëꞌ. Yaꞌipi ipora camairanquëmasopita, co canpitasáchin camairanquëmahuëꞌ. Shiparimapitantaꞌ, natëcaiso yaꞌhuërin. Insëquë tëranta yaꞌhuëpatamaꞌ, ina pochin nicacamaso yaꞌhuërin.

Hechos 7:51

Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ.