Levítico 19:19 - Chayahuita (Shahui)

¹⁹ Ama topinan quëran pënënanquëmasopita, natancosohuëꞌ. Noꞌtëquën natëcoꞌ. Ama nisha pëꞌtahuaquë, pëꞌtahuanëma atoꞌquëtocosohuëꞌ. Shaꞌtohuatamaꞌ, ama ina iminquëráchin nisha nisha yaꞌpirin, shaꞌcosohuëꞌ. Aꞌmocamaso yanipatamaꞌ, ama nisha nisha quëran paꞌtocosohuëꞌ. Aꞌnaquësáchin paꞌtocoꞌ.

Levítico 19:19 ပူးပေါင်းရင်းမြစ်များ

Génesis 36:24

Sipion huiꞌninpitanta isopita: Aiya, Ano, inapita. Ina Ano chachin, inotëro parti paꞌpin moranënpita aꞌpairin. Inapita aꞌpaiasoꞌ, noꞌpa quëran iꞌsha pipirinsopita quënanin.

2 Samuel 18:9

Ahuëtasoi Apësaronsoꞌ, moranënquë yaꞌmitëpinan paꞌsarin. Paꞌsapirinhuëꞌ, aꞌnanaya paꞌpin sontaronënpita quënanin. Napohuachina, tahuërërahuaton taꞌacaso marëꞌ pashi tënin. Pashitopirinhuëꞌ, moranënso insina naraanaquë yaꞌconconin. Notohuaroꞌ sëꞌpaquënpita yaꞌhuërintaquëchin naꞌhuërapirinhuëꞌ, inaquë ainën aꞌtënconin. Moraso naꞌhuërin niꞌton, inasoꞌ inaquëranchin huëntënárin.

Levítico 19:37

Yaꞌipi pënënanquëmasopita, yaꞌipi camairanquëmasopita, inapita natëcoꞌ. Ca Sinioroco napotaranquëma niꞌton, natëco,” itërin.

Lucas 5:36

Ina quëran pënënto nanan aꞌchintaantarin. —Niꞌcoꞌ. Aꞌmoramaso irácaya nininsoꞌ noshatohuachina, co nasha aꞌmorëso yanorëhuëꞌ paꞌpitacaso marëꞌ. Nasha aꞌmorëso yanohuatëra, tapirëꞌ. Naporahuaton, nasha nëꞌmëtëquë paꞌpitohuatëra, co inashitërinhuëꞌ.

Romanos 11:6

Inaora nohuanton, catahuarin. Co noya nipiso marëꞌ catahuarinhuëꞌ. Noya nipiso marëꞌ huayonin naporini, co huachi inaora nohuanton, catahuacasoꞌ yaꞌhuëꞌitonhuëꞌ.

Deuteronomio 4:1

Moisësëri israiroꞌsa nontaton itapon: “Iporaso huachi, Sinioro pënëntërinsoꞌ natëcoꞌ. Camairinquëmasopitantaꞌ, natëcoꞌ. Nani yaꞌipi carinquëma aꞌchintëranquëmaꞌ. Ama topinan quëran natanatomarahuëꞌ, ina nohuantërinso nicoꞌ. Inapohuatamaꞌ, noya nanpitoma Yosë quihuitërinpoasoꞌ noꞌpaquë yaꞌconatoma huaꞌanëntaramaꞌ. Shimashonënpoapita shaꞌhuitërinso chachin quëtarinpoaꞌ.

Deuteronomio 4:5

Yaꞌipi Sinioronënpoa pënëntërinsoꞌ, camaitërinsoꞌ, inapita shaꞌhuitërincosoꞌ nani aꞌchintëranquëmaꞌ. Noꞌpaꞌ manamaquë yaꞌhuëhuatamaꞌ, yaꞌipi inapita natëcoꞌ.