Levítico 19:13 - Chayahuita (Shahui)

¹³ Ama ahuëton nicosohuëꞌ. Ama ahuëtatomaꞌ, aꞌnapita maꞌshanëna matocosohuëꞌ. Sacato catahuarinëmasopita, naporo tahuëri chachin pahuërëcoꞌ.

Levítico 19:13 ပူးပေါင်းရင်းမြစ်များ

Copo naporinso' 31:39

Napoaporahuëꞌ, iminënaquë shaꞌtopisopita nitërinsoꞌ ihuahuato, Yosë nohuanton noꞌpanëhuëquë trico yaꞌhuërënamën, nahuanoꞌsaráchin papoin. Imin camayoroꞌsanta topinan quëran asacatohuato, Sipata yaꞌhuërënamëntaꞌ, pacatorora papoꞌin,” tënin Copo. Inapochin Copo, amiconënpita aꞌpanirinsoꞌ, tiquirin.

Éxodo 20:15

Ama manta ihuatocosohuëꞌ.

Proverbios 3:28

Ama apiratëquësohuëꞌ. “Aꞌna tahuëri nimara quëchinquën,” ama itëquësohuëꞌ. Yaꞌhuëtohuachinquën, quëtochinaquëꞌ.

Ezequiel 18:7

Co aꞌnapita aparisitërinhuëꞌ. Nihuipisopitari: ‘Pahuërëaꞌhuanquënsoꞌ nitotacaso marëꞌ, iso maꞌsha quëchinquën,’ itatona quëtopirinahuëꞌ, ayantaantarin. Co insonta ihuarinhuëꞌ. Piyapiꞌsa tanahuachinara, aꞌcarin. Capa aꞌmocaiso nipachina, quëtërin.

Malaquías 3:5

Naquëranchin Sinioro nontatënquëmaꞌ: “Caso Sinioroco, yaꞌipi nanitapato shaꞌhuitaantaranquëmaꞌ: ‘Naporoꞌ oꞌmahuato, coisë pochin nisarahuë. Noya nipatamaꞌ, noya acoaranquëmaꞌ. Co noyahuëꞌ cancantatona pënotohuachinasoꞌ, anaꞌintarahuë. Nitëhuananpitohuachinaꞌ, Yoscoarëꞌ taponahuë nonpinpachinaꞌ, patronoꞌsa piyapinënapita co noꞌtëquën pahuërëhuachinahuëꞌ, quëyoronoꞌsaꞌ, saꞌahuaroꞌsaꞌ, inapita co nitocatahuahuachinahuëꞌ, nisharoꞌsa aparisitohuachinaꞌ, co tëꞌhuatohuachinacohuëꞌ, inapitanta anaꞌintarahuë,’ tënahuë,” itërinquëmaꞌ.

Mateo 20:8

Nani tashihuachina, huaꞌanëni inpriatonën shaꞌhuitërin: ‘Yaꞌipi sacatoroꞌsaꞌ amatahuaton, pahuërëquëꞌ. Iꞌhuaraya huarëꞌ sacatërinsopitaꞌton pahuërëquëꞌ,’ itërin.

Marcos 10:19

Iráca pënëntërinsoꞌ nani nitotëran. “Ama piyapi tëpacosohuëꞌ. Ama nitëhuananpitocosohuëꞌ. Ama ihuatocosohuëꞌ. Ama ninonpinapicosohuëꞌ. Ama nonpincosohuëꞌ. Tatamaꞌ natëcoꞌ. Mamamantaꞌ natëcoꞌ,” tënin Yosë pënëntaton, itërin Quisosori.

Lucas 3:13

—Noꞌtëquën coriqui maꞌpatocoꞌ. Ama nonpinatomaꞌ, naꞌcon naꞌcon maꞌpatocosohuëꞌ, itërin.

1 Tesalonicenses 4:6

Aꞌna quëmapi saꞌin ama sëꞌhuacosohuëꞌ. Ama ina pochin niꞌtomaꞌ, soꞌin nonpintocosohuëꞌ. Sëꞌhuahuatamaꞌ, Yosë noꞌtëquën anaꞌintarinquëmaꞌ. Iráca inachachin chiníquën pënënainquëmaꞌ.

1 Timoteo 5:18

Yosë quiricanën quëran shaꞌhuitërinpoaꞌ. “Toro asacatohuatamaꞌ, aꞌcacoꞌ. Trico iꞌnataton toꞌnorayahuachin, ama tonpoanantocosohuëꞌ. Tananpitocoꞌ piꞌpian piꞌpian coshachin,” tënin. “Piyapi asacatohuatamaꞌ, pahuërëcoꞌ,” tënin antaꞌ. Napoaton ansianoꞌsaꞌ Yosë marëꞌ sacatopi niꞌton, catahuacoꞌ. Maꞌsha quëtocoꞌ ama pahuanchinasohuëꞌ.

Santiago 5:4

Piyapinëmapita nonpintëramaꞌ. Iminëmaquë asacatopiramahuëꞌ, co noꞌtëquën pahuërëtëramahuëꞌ. Inapitasoꞌ Yosëquë shaꞌhuirapirinënquëmaꞌ. Shanëmapita nitërinsoꞌ mapirinahuëꞌ, co pahuërëtëramahuëꞌ. Inapohuatamaꞌ, Yosë nitotarin. Inasoꞌ chini chiníquën nanantërin niꞌton, noꞌtëquën iꞌhuërëtarinquëmaꞌ.