Levítico 19:12 - Chayahuita (Shahui)

¹² Ama Yoscoarëꞌ taꞌtomaꞌ, piyapiꞌsa nonpintocosohuëꞌ. Napohuatamaꞌ, co manta tëꞌhuatëramacosohuë pochin nisaramaꞌ. Ca Sinioroco napotaranquëmaꞌ.

Levítico 19:12 ပူးပေါင်းရင်းမြစ်များ

Salmos 15:4

Co noyahuëꞌ nipisopita co paꞌyatacaso yaꞌhuërinhuëꞌ. Yosë paꞌyatopisopitasoꞌ, noya niꞌcaso yaꞌhuërin. Maꞌsona nicacasoꞌ shaꞌhuihuatëhuaꞌ, co canapirëhuahuë tëranta ananicaso yaꞌhuërin.

Éxodo 20:7

Ama topinan quëran chinotocosohuëꞌ. Topinan quëran chinotohuatamaco, oshahuanaramaꞌ. Maꞌsona shaꞌhuihuatamaꞌ, ama nonpinatomaꞌ: ‘Yoscoarëꞌ,’ tocosohuëꞌ, anaꞌintotënquëmaꞌ.

Jeremías 7:9

Niihuaramaꞌ, nitëparamaꞌ, nitëhuananpitëramaꞌ, Yoscoarëꞌ tapomarahuë nonpinamaꞌ. Paaro moshatoma yonarin pochin nininsoꞌ aꞌpëramaꞌ. Nisha nisha mamanshiroꞌsanta co nohuitapomarahuëꞌ, mosharamaꞌ.

Malaquías 3:5

Naquëranchin Sinioro nontatënquëmaꞌ: “Caso Sinioroco, yaꞌipi nanitapato shaꞌhuitaantaranquëmaꞌ: ‘Naporoꞌ oꞌmahuato, coisë pochin nisarahuë. Noya nipatamaꞌ, noya acoaranquëmaꞌ. Co noyahuëꞌ cancantatona pënotohuachinasoꞌ, anaꞌintarahuë. Nitëhuananpitohuachinaꞌ, Yoscoarëꞌ taponahuë nonpinpachinaꞌ, patronoꞌsa piyapinënapita co noꞌtëquën pahuërëhuachinahuëꞌ, quëyoronoꞌsaꞌ, saꞌahuaroꞌsaꞌ, inapita co nitocatahuahuachinahuëꞌ, nisharoꞌsa aparisitohuachinaꞌ, co tëꞌhuatohuachinacohuëꞌ, inapitanta anaꞌintarahuë,’ tënahuë,” itërinquëmaꞌ.

Santiago 5:12

Naꞌcon iyaroꞌsaꞌ yonquicoꞌ noꞌtëquënáchin nonacamasoꞌ: “Paꞌsarahuë,” topatamaꞌ, pacoꞌ. “Co paꞌsarahuëꞌ,” topatamaꞌ, ama pacosohuëꞌ. Nani tahuëri noꞌtëquënáchin nontohuatamaꞌ, co “Yoscoarëꞌ,” taꞌcasoꞌ yaꞌhuërinhuëꞌ. Coꞌni maꞌsha tërantaꞌ isoroꞌpaquë yaꞌhuërinsoꞌ aꞌpitatëhuaꞌ nonpinacasoꞌ yaꞌhuërinhuëꞌ. Napoaton nani tahuëri noꞌtëquën noncoꞌ, Yosë anaꞌintochinquëmaꞌ.