Levítico 16:8 - Chayahuita (Shahui)

⁸ Inaquë nicanatona ocoipiso pochin chiporoꞌsa nitarin. Cato naꞌpitëaꞌhuayaquë, inquënsona nicacaso ninshitapon. Aꞌnaquë: ‘Sinioronquën,’ taꞌton, ninshitarin. Aꞌnaquëso nipirinhuëꞌ: ‘Asasironquën,’ taꞌton ninshitarin.

Levítico 16:8 ပူးပေါင်းရင်းမြစ်များ

Levítico 16:10

Aꞌnantaꞌ, Asasironquën nininsoꞌ, co tëpaponahuëꞌ, quëshiponco. Israiroꞌsa oshanën inquitaꞌhuaso marëꞌ quëshiponco. Ina piquëran inotëro parti, Asasiro yaꞌhuërintaquëchin aꞌpapona huachi.

Levítico 16:26

Insosona chipo Asasironquën nininsoꞌ inotëro parti aconpachin, aꞌmorinso pëꞌsapon. Inaporahuaton iꞌquë amapon. Naporo huarëꞌ yaꞌhuëramaquë yaꞌcoantapon.

Levítico 16:7

Ina quëran cato chiporoꞌsanta ca marëꞌ quëpisoꞌ, quëcapon. Noya patoana yaꞌcoananën notënanquë huarëꞌ aꞌnotiincoso marëꞌ quëcapon.

Levítico 16:9

Insosona chipo ca marëꞌ nininsoꞌ capainchinpachin, Aaroni quëcaton aꞌnotaponco. Ina piquëran israiroꞌsa oshanën inquitaꞌhuaso marëꞌ inari chachin tëpapon.

Jonás 1:7

Huaꞌani napotohuachina, Conasënta pipiintarin. Nancha quëpanaꞌpiroꞌsasoꞌ: —Insosona naꞌinin quëran poꞌsarëhuaso nitotacaso marëꞌ, nicanarëhuaso pochin nicatëhua nitotahuaꞌ, niitopi. Inapohuachinara, Conasë naꞌininsoꞌ, nitotopi.