Levítico 16:34 - Chayahuita (Shahui)

³⁴ Yaꞌipi ipora camairanquëmasopita, co canpitasáchin camairanquëmahuëꞌ. Shiparimapitantaꞌ, natëcaiso yaꞌhuërin. Nani piꞌiquë aꞌnarora yaꞌipi camaitërahuëso nicoꞌ. Yaꞌipi israiroꞌsa oshanën inquitaꞌhuaso marëꞌ inapocoꞌ,” itërin Yosëri Moisësë nontaton. Ina quëran, Siniorori Moisësë camairinso chachin Aaronsoꞌ yaꞌipi ninin.

Levítico 16:34 ပူးပေါင်းရင်းမြစ်များ

Levítico 23:28

Nanan anoyatacaso tahuëri niꞌton, co manta sacatacaso yaꞌhuërinhuëꞌ. Naporo tahuëri oshanëma inquitaranquëmaꞌ.

Levítico 23:31

Ama naporo tahuëri manta sacatocosohuëꞌ. Ipora camairanquëmasopita, co canpitasáchin camairanquëmahuëꞌ. Shiparimapitantaꞌ, natëcaiso yaꞌhuërin. Insëquë tëranta yaꞌhuëpatamaꞌ, ina pochin nicacamaso yaꞌhuërin.

Hebreos 10:14

Aꞌnaroíchin chiminaponahuëꞌ, anoyacancantërinpoaꞌ. Yaꞌipi imarëhuasopita oshanënpoaꞌ inquitatonpoaꞌ, noyápiachin cancan quëtërinpoaꞌ.

Hebreos 10:3

Nani piꞌiquë maꞌsharoꞌsaꞌ tëpahuachinara, yonquiantapi. “Tëhuënchachin oshahuanëhuaꞌ,” topi.

Hebreos 9:25

Iráca corto huaꞌan maꞌsha huënainën masahuaton, noya noya patoanaquë yaꞌconin. Nani piꞌipi inaporin. Quisocristoso nipirinhuëꞌ co naꞌaroꞌ inaporinhuëꞌ.

Hebreos 9:7

Noya noya patoanaquëso nipirinhuëꞌ, co yaꞌipi yaꞌconpihuëꞌ. Aꞌnaíchin chini chiníquën nanantërinsoáchin yaꞌconin. Co ina tërantaꞌ nani tahuëri yaꞌconinhuëꞌ. Nani piꞌipiquë aꞌna tahuëriáchin yaꞌconahuaton, maꞌsha huënainën quëparin. Inaora oshanën marëꞌ quëparin. Naporahuaton, piyapiꞌsaꞌ co yonquiatonahuë oshahuanpiso marëntaꞌ quëparin.