Levítico 16:29 - Chayahuita (Shahui)

²⁹ Yaꞌipi ipora camairanquëmasopita, co canpitasáchin camairanquëmahuëꞌ. Shiparimapitantaꞌ, natëcaiso yaꞌhuërin. Pascoa tahuëriꞌsa naꞌhuërin quëran huarëꞌ canchisë yoqui pichiaramaꞌ. Naporo yoqui shonca tahuëri nanihuachin, Sinioro marëꞌ chinotaramaꞌ. Co manta sacatamaso yaꞌhuërinhuëꞌ. Co nisharoꞌsa yacaparinquëmasopita tërantaꞌ, sacatapihuëꞌ. Naporo tahuëri co manta coshatapomarahuëꞌ, yonquiaramaco.

Levítico 16:29 ပူးပေါင်းရင်းမြစ်များ

1 Reyes 8:2

Imënamëaꞌhuaroꞌsa pita itopiquë niyontonapi. Inasoꞌ pita, pascoa yoqui quëran canchisë yoquitahuasoꞌ, naꞌhuëpi.

Esdras 3:1

Pascoa yoqui quëran canchisë yoqui nanihuachina, israiroꞌsaso imënamëaꞌhuaroꞌsa pita naꞌhuëpi. Naporoꞌ yoquiquë yaꞌhuëpi quëran huëꞌsahuatonaꞌ, Quirosarinquë niyontonpi. Yaꞌipiya quëran niyontonpi co pahuanpihuëꞌ.

Salmos 69:10

Sëtato naꞌpatëra, tëhuaconinaco. Sëtohuatora, saꞌcatën aꞌmorahuë. Napohuatorantaꞌ, tëhuayatoninaco.

Éxodo 20:10

Tahuëririnquëso napoaponahuëꞌ, ca yonquiamacoso marëꞌ chinotaramaꞌ. Co naporoso sacataramahuëꞌ. Co huiꞌnamapita tëranta sacatarinhuëꞌ. Piyapinëmapita, pëꞌtahuanëmapita inapitanta co sacatacaiso yaꞌhuërinhuëꞌ. Co nisha piyapiroꞌsa tërantaꞌ, yacaparimasopita asacataramahuëꞌ.

Isaías 58:13

Sinioro naporin: “Sahuato tahuëri nanihuachin, noya nicaton chinotëquëꞌ. Chinotamacoso tahuëri niꞌton, ama canacaso marëꞌ sacatëquësohuëꞌ. ‘Ina tahuërisoꞌ, capa cancantacaso tahuëri,’ tëquëꞌ. Naporoꞌ Sinioro noya nicaton chinotëquëꞌ. Inasoꞌ noyasáchin niꞌton, chinotacaso yaꞌhuërin. Ama quëmaora yonquiransopita nicatonhuëꞌ, ina tahuëri noya niꞌquëꞌ. Noya nicaton, ama maꞌsona nohuantëransoꞌ niquësohuëꞌ. Co canacamaso marënta sacatacaso yaꞌhuërinhuëꞌ.

Isaías 58:3

Inapopiramahuë naporamaꞌ: “Ayono nipirëhuahuëꞌ, ¡co Yosë tahuërëtërinpoahuëꞌ! Inaso co cancantopirinpoahuëꞌ, ¡ma topinanta ayonatëhua parisitáparihuaꞌ!” tënamaꞌ. Ayono tahuëri nipirinhuëꞌ, canacamaso marëꞌ sacatëramaꞌ. Inapoatoma piyapinëmantaꞌ, naꞌcon naꞌcon aparisitëramaꞌ.

Isaías 58:5

Canpitaso ayonahuatamara sëtërëso pochin yaꞌnoramaꞌ. Shiꞌshinamatë pochin monshoáporamaꞌ. Saꞌcatën aꞌmosahuatomaꞌ, huariano aipi quëhuënamaꞌ. “Ina pochin nicaꞌhuaisoꞌ Sinioro nohuantërin,” topiramahuëꞌ, ¡co ina caso nohuantërahuëꞌ! “Inapoatë ayonacaso yaꞌhuërin. Napohuatëhuaꞌ, Yosë noya niꞌsarinpoaꞌ,” tënamaꞌ.

Levítico 23:21

Naporo tahuëri chachin canpitantaꞌ, niyontonatoma chinotaramaco. Co manta sacatamaso yaꞌhuërinhuëꞌ. Ipora camairanquëmasopita, co canpitasáchin camairanquëmahuëꞌ. Shiparimapitantaꞌ, natëcaiso yaꞌhuërin. Insëquë tëranta yaꞌhuëpatamaꞌ, ina pochin nicacamaso yaꞌhuërin.

Levítico 23:3

Nani simanaquë saota tahuëri sacataramaꞌ. Tahuëririnquëso nipirinhuëꞌ, co sacataramahuëꞌ. Ina tahuëri noya nicatoma chinotaramaco. Naporo tahuëri chinotamacoso marëꞌ niyontonaramaꞌ. Insëquë tëranta yaꞌhuëpatamaꞌ, naporo tahuëri chinotamacoso marëꞌ chinotaramaꞌ.

Levítico 23:36

Canchisë tahuëri chachin corto huaꞌani maꞌsha tëpapisoꞌ, ca marëꞌ ahuiquitarin. Nani canchisë tahuëri naꞌhuëpachin, tahuëririnquëso niyontoantarahuatoma chinotaramaco. Naporonta maꞌsha tëpapisoꞌ, corto huaꞌani ca marëꞌ ahuiquitarin. Naporonta pita tahuëri niꞌton, co manta sacatamaso yaꞌhuërinhuëꞌ.

Hechos 27:9

Huaꞌquirai niꞌtoi, oꞌnapi tahuëriꞌsaꞌ naniriarin. Naporo quëran huarëꞌ huëhuëpiroꞌ marë paꞌtacasoꞌ. Napoaton Paonori itapon:

1 Corintios 11:31

Yaꞌipi cancanënpoa quëran huarëꞌ nitantiacasoꞌ yaꞌhuërin niꞌton, yonquiaꞌahuaꞌ. Co noyahuëꞌ yonquirëhuasopita naniantohuatëhuaꞌ, co Yosë anaꞌintarinpoahuëꞌ.

Hebreos 4:10

Iráca isoroꞌpaꞌ tiquihuachina, Yosë chinotaton, sano cancantërin. Canpoantaꞌ cancanënpoa quëran imapatëhuaꞌ, inapochachin sano cancantarihuaꞌ. Yosë noya nohuitarihuaꞌ.

1 Samuel 7:6

Napotohuachinara, Mispaquë niyontonpi. Inaquë iꞌsha ocoipi. Sinioro aꞌnotacaiso marëꞌ ocoirahuatonaꞌ, noꞌpaquë opopi. Naporo tahuëri co manta coshatatonaraihuëꞌ Yosë chinotopi. Yaꞌipiya natantonënaquë co Sinioro natëtonaraihuëꞌ oshahuanpisoꞌ, shaꞌhuipi. Inaquë chachin Samoirosoꞌ, israiroꞌsa huaꞌan nicacasoꞌ caniaririn.