Levítico 16:23 - Chayahuita (Shahui)

²³ Ina quëran Aaron chinotëramacoso pëiquë yaꞌcoantarahuaton, rino piꞌshi quëran aꞌmorinso ocoiarin. Inaporahuaton inaquë acoarin.

Levítico 16:23 ပူးပေါင်းရင်းမြစ်များ

Levítico 16:22

Inapotohuachin, chipo inotëro parti chihuëaton, israiroꞌsa oshanëna co piyapi yaꞌhuërinquëhuëꞌ quëpatapon.

Levítico 16:4

Nani cato chachin quëpachin, iꞌnanpirarahuaton, amapon. Ina quëran corto huaꞌan aꞌmocaso marëꞌ acopisoꞌ aꞌmosarin huachi. Carsonsicho sariotahuaton, aꞌmocaso nininso aꞌmoanin. Ina aipi sintoronquë nitonporahuaton, nitonpomototërinso yancopon. Yaꞌipi corto huaꞌan aꞌmocaso marëꞌ acopisosoꞌ, rino piꞌshi quëráchin nipi.

Romanos 8:3

Iráca Yosë pënënpirinpoahuëꞌ. Co noyahuëꞌ cancantatëhuaꞌ, co nanitërëhuahuëꞌ noꞌtëquën natëcasoꞌ. Ina quëran huiꞌnin chachin isoroꞌpaquë aꞌpaimarin. Piyapi chachin nasitimarin. Co oshahuanaponahuëꞌ, oshanënpoaꞌ inquitinpoaso marëꞌ chiminin. Inapoaton, nichaꞌërinpoaꞌ ama huachi anaꞌintinpoaso marëhuëꞌ.

Hebreos 9:28

Quisocristontaꞌ aꞌnaroíchin chiminin oshanënpoaꞌ inquitinpoaso marëꞌ. Ina quëran inápaquë panantarin. Nani oshanënpoaꞌ inquitohuachinpoaꞌ, aꞌna tahuëri oꞌmantararin. “¡Ma noyacha Quisocristosoꞌ niꞌton, nichaꞌërinpoa paya!” taꞌtëhuaꞌ, ina ninarëhuaꞌ. Oꞌmantahuachin, imarëhuasopita maquimarinpoa huachi.