Levítico 16:20 - Chayahuita (Shahui)

²⁰ Chinotamacoso marëꞌ nëꞌmëtë pëiꞌ acoramasoꞌ yaꞌipi taparahuaton, artaronta nani tapahuachin, aꞌna chipo yaꞌhuërëꞌ quëcacaiso camaitapon.

Levítico 16:20 ပူးပေါင်းရင်းမြစ်များ

Levítico 16:16

Inapotaton, noya noya patoana tapararin. Israiroꞌsa amirotochináchin niꞌnahuësoꞌ nicatona tapipi niꞌton, tapararin. Co natantochináchinhuëꞌ cancantatona chinitërinaco niꞌton, napoarin. Naporahuaton oshahuanpiso marëꞌ, ina pochin tapacaso yaꞌhuërin. Inapochachin yaꞌipi chinotëramacoso nëꞌmëtë pëi nitamaso yaꞌhuërin. Pëinëhuësoꞌ, israiroꞌsa yaꞌhuëpiso huáncana yaꞌhuërin. Napoaton amirotochináchin niꞌnahuësoꞌ nicatonaꞌ, tapipi.

Levítico 16:19

Ina quëran ina huënaiquë chachin, imirin quëran iꞌcomiitahuaton, artaro aipi canchisëroꞌ taꞌsatarin. Israiroꞌsari oshahuanatona tapipirinahuëꞌ, inapo taparahuaton chinotamacoso marëꞌ acoantarin.

Levítico 16:21

Nani quëpachinaꞌ, ina sëꞌhuamotorahuaton israiroꞌsa yaꞌipi co noyahuëꞌ nipiso shaꞌhuitarin. Yaꞌipi co natantochináchinhuëꞌ nicatonaꞌ, chinitatë pochin nitërinacosopita shaꞌhuitarin. Inapoaton yaꞌipi oshahuanpiso shaꞌhuitarin. Inapo shaꞌhuitaton, israiroꞌsa oshahuaninsoꞌ, chipo motënquë acoatë pochin nitarin. Nani yaꞌipi shaꞌhuitohuachin, aꞌna quëmapiri inotëro parti quëpaton, inaquë aꞌpapon.

Romanos 4:25

Yosë nohuanton, oshanënpoa marëꞌ chiminin. Inari chachin ananpitaantarin oshanënpoaꞌ inquitatonpoaꞌ, noya nicainpoaso marëꞌ.

Romanos 8:34

Yosë noya niꞌninpoa niꞌton, co insonta nanitërinhuë anaꞌintinpoasoꞌ. Quisocristo oshanënpoaꞌ inquitinpoaso marëꞌ chiminin. Ina quëran nanpiantarin. Yosë inchinanën quëran yaꞌhuaton, canpoa marëꞌ Yosë nontárin.

2 Corintios 5:19

Yosë nohuanton, huiꞌnin chiminin anoyacancantinpoaso marëꞌ. Anoyacancantohuachinpoaꞌ, co huachi oshanënpoaꞌ yonquirinhuëꞌ, inquitërinpoa huachi. Nani nanan anoyatohuachinpoara, quiyantaꞌ acorincoi paatoi aꞌnapita shaꞌhuitaꞌhuaiso marëꞌ.

Colosenses 1:20

Iráca oshahuanëhuaꞌ niꞌton, yaꞌipinpoaꞌ Yosë inimicotopirëhuahuëꞌ. Yosë nohuanton, Quisocristo chiminin nanan anoyatinpoaso marëꞌ. Isoroꞌpaquë yaꞌhuërinsopita, inápaquë yaꞌhuërinsopita, yaꞌipiya nohuantërin anoyatacasoꞌ. Canpoa marëꞌ huënainën paꞌnin. Corosëquë chiminin niꞌton, co huachi Yosë inimicotacasoꞌ yaꞌhuërinhuëꞌ.

Hebreos 7:25

Napoaton nanitërin noyá nichaꞌëinpoasoꞌ. “Quisocristoíchin anoyacancantërinpoaꞌ,” taꞌtëhuaꞌ, Yosë imarëhuaꞌ. Iporahuantaꞌ Quisocristo nanpiárin catahuainpoaso marëꞌ. Nani tahuëri canpoa marëꞌ Yosë nontárin.

Apocalipsis 1:18

Nanpiárahuë. Chiminaporahuëꞌ, nanpiantarahuë. Casoꞌ chini chiníquën nanantërahuë. Onporosona chiminacaisoꞌ cari shaꞌhuitarahuë. Ca nohuantohuato, nanpiapi. Ca nohuantohuato, chiminaponaꞌ. Co imarinacosopitahuëꞌ chiminpachinaꞌ, parisitopiquë aꞌpararahuë.