Levítico 16:14 - Chayahuita (Shahui)

¹⁴ Toroaꞌhua huënainën maninsontaꞌ, piꞌpian main. Masahuaton, piꞌi pipirinso parti quëran caposonëhuë aꞌtanamën taꞌsachin. Ina quëran caposonëhuë aꞌtanamën notënanquëraontaꞌ, imirin quëran canchisëroꞌ taꞌsachin.

Levítico 16:14 ပူးပေါင်းရင်းမြစ်များ

Levítico 16:19

Ina quëran ina huënaiquë chachin, imirin quëran iꞌcomiitahuaton, artaro aipi canchisëroꞌ taꞌsatarin. Israiroꞌsari oshahuanatona tapipirinahuëꞌ, inapo taparahuaton chinotamacoso marëꞌ acoantarin.

Hebreos 10:19

Napoaton iyaroꞌsaꞌ, iporasoꞌ nanitërëhuaꞌ Yosë chachin nohuitacasoꞌ. Noya noya patoanaquë yaꞌconëso pochin nohuitërëhuaꞌ. Piyapinpoaꞌ nirihuarahuëꞌ, chiníquën cancantatëhuaꞌ, Yosë nontahuaꞌ. Quisoso huënainën paꞌnin niꞌton,

Hebreos 10:4

Maꞌsharoꞌsaꞌ tëpapirinahuëꞌ, ina huënainën quëran co onporontaꞌ oshanënaꞌ inquitërinhuëꞌ.

Hebreos 12:24

Quisocristo chachin nohuitarihuaꞌ. Inasoꞌ nasha quëran anoyatërinso shaꞌhuitërinpoaꞌ imacaso marëꞌ. Huënainën quëran anoyacancantërinpoaꞌ. Iráca Apiri huënainën paꞌnin. Iini tëpahuachina, huënainën paꞌnin niꞌton, anaꞌintacasoꞌ yaꞌhuërin. Quisocristo chimininsosoꞌ nipirinhuëꞌ, noya noya. Huënainën paꞌnin niꞌton, nanan anoyatërinpoaꞌ.

Hebreos 9:13

Cotioroꞌsaꞌ co yaꞌipi Moisësë pënëntërinsoꞌ natëhuachinahuëꞌ, nëꞌhuëtërinso pochin niꞌtonaꞌ, co nanitopihuëꞌ chinotopiso pëiquë yaꞌconacaisoꞌ. Napohuachinara, maꞌsharoꞌsaꞌ, chipo, toroaꞌhuaya, inapita chinotopiso pëiquë quëpapi. Inaquë corto huaꞌani tëparahuaton, huënainën manin. Huënainën masahuaton, ohuacaꞌhuaya huiquitërinsoꞌ yanonën ayontërin. Ayontahuaton, oshahuanaꞌpi taꞌsatërin. Inapotohuachina, nëꞌhuëtërinsoꞌ inquirinso pochin ninin niꞌton, naquëranchin nanitërin chinotopiso pëiquë yaꞌconacasoꞌ.

Hebreos 9:21

Ina quëran chinotopiso pëiꞌ, maꞌsha inaquë yaꞌhuërinsopita, inapitantaꞌ huënaiquë taꞌsatërin.

Hebreos 9:25

Iráca corto huaꞌan maꞌsha huënainën masahuaton, noya noya patoanaquë yaꞌconin. Nani piꞌipi inaporin. Quisocristoso nipirinhuëꞌ co naꞌaroꞌ inaporinhuëꞌ.

Hebreos 9:7

Noya noya patoanaquëso nipirinhuëꞌ, co yaꞌipi yaꞌconpihuëꞌ. Aꞌnaíchin chini chiníquën nanantërinsoáchin yaꞌconin. Co ina tërantaꞌ nani tahuëri yaꞌconinhuëꞌ. Nani piꞌipiquë aꞌna tahuëriáchin yaꞌconahuaton, maꞌsha huënainën quëparin. Inaora oshanën marëꞌ quëparin. Naporahuaton, piyapiꞌsaꞌ co yonquiatonahuë oshahuanpiso marëntaꞌ quëparin.