Levítico 10:2 - Chayahuita (Shahui)

² Napohuachina, inapita ahuiquitacaso marëꞌ Siniorori chachin pën aꞌpatimarin. Napoaton cato chachin chiminpi.

Levítico 10:2 ပူးပေါင်းရင်းမြစ်များ

2 Samuel 6:7

Siniororiso napoaponahuëꞌ, naporinso marëꞌ Osa paꞌpi noꞌhuirin. Noꞌhuiton inaquë chachin tëparin. Caposonën pirayan anotaton chiminin.

1 Reyes 18:38

Naporo chachin inápa quëran Siniorori pën aꞌpaimarin. Oshanëna marëꞌ artaro aipi acopisoꞌ yaꞌipi ahuiquitërin. Ihuë, naꞌpiroꞌsaꞌ, amocan, iꞌsha mëntairinsoꞌ, inapitanta huiquitërin.

Copo naporinso' 1:16

Inari shaꞌhuitasoꞌ, aꞌna yaꞌhuërëꞌ piyapinën taꞌainantararin. Canquirahuaton itapon: —¡Oꞌcori pochin inápa quëran pën anotiimarin! Inapoaton yaꞌipi ohuicanënpita tiquitërinquën. Aꞌpainaꞌpiroꞌsantaꞌ, tiquirin. ¡Casáchin chaꞌërahuato shaꞌhuitaꞌhuanquënso marëꞌ, taꞌaintarahuë! itiintarin.

Éxodo 24:1

Ina quëran Siniorori, Moisësë itapon: —Naquëranchin Aaronëꞌquën nanpëintaquëꞌ. Iporasoꞌ huiꞌninpitanta huëntaꞌinaꞌ. Natapo, Apio, inapita huëntaꞌinaꞌ. Naporahuaton canchisë shonca Israiro ansianoꞌsantaꞌ, quëntaquëꞌ. Iso Sinai motopiquë nisarahuë niꞌton, huëntacoꞌ. Inahuaso napoaponahuëꞌ, ama coꞌchachin yaꞌcariꞌinacosohuëꞌ. Aquëchamiachin isonatonaꞌ, noꞌpaquë huarëꞌ monshopi quëran chinochinaco.

Levítico 16:1

Aaron huiꞌninpita naꞌcon naꞌcon Sinioro yaꞌcariatonaꞌ, chiminpi. Ina piquëran Siniorori, Moisësë itapon: “Iya masho Aaron shaꞌhuitëquëꞌ nitochin. Chinotamacoso pëiquë noya noya patoana nininquësoꞌ, co topinan tahuëri yaꞌconaramahuëꞌ. Co anoyatërëhuaso caposonën aꞌtanamën notënanquë tëranta huanicaiso yaꞌhuërinhuëꞌ. Ina aipi, chitoroquë yáyaꞌnorahuë niꞌton, topinan tahuëri yaꞌconpatamaꞌ, chiminaramaꞌ, itëquëꞌ,” itërin.

Hechos 5:10

Itohuachina, aꞌnaroáchin chiminaton, inaquë chachin anotërin antaꞌ. Huiꞌnapiꞌsaꞌ huëantarahuatonaꞌ, chimipi quënanquinantapi. Inantaꞌ quëpantarahuatonaꞌ, soꞌin pirayan paꞌpitopi.

Hechos 5:5

Ananiasë natanahuaton, aꞌnaroáchin noꞌpaquë anotaton, chiminin. Piyapiꞌsari niꞌpachinara, paꞌyanpi. Aꞌnapitantaꞌ natantahuatonaꞌ, paꞌpi tëꞌhuatopi.

1 Corintios 10:11

Yosë nohuanton, iráca napopisopita quiricanënquë ninshitopi pënëinpoaso marëꞌ. Inapita pochin nipatëhuaꞌ, anaꞌintarinpoaꞌ canpoantaꞌ. Nani anaꞌintacasoꞌ tahuëri naniriarin.

1 Samuel 6:19

Israiroꞌsa inaquë yaꞌhuëpisopitasoꞌ, capa cancantopirinahuëꞌ, tëhuëpi. Yosë caposonën iꞌsohuatatona niꞌpi. Ina niꞌpiso marëꞌ canchisë shonca yaꞌpi Siniorori tëparin. Ina marëꞌ panca sëtatona naꞌnëpi. Naꞌa niyacapapisopita chiminpi niꞌton, napopi.