Levítico 10:1 - Chayahuita (Shahui)

¹ Aaron huiꞌninpita Natapo, Apio, inapitaso Yosë yachinotatona aꞌpëtinanëna mapi. Pënsha acorahuatonaꞌ, atomontacaiso marëꞌ yonarin pochin nininsoꞌ acotopi. Co Yosëri ina pochin camaipirinhuë napopi.

Levítico 10:1 ပူးပေါင်းရင်းမြစ်များ

1 Reyes 18:38

Naporo chachin inápa quëran Siniorori pën aꞌpaimarin. Oshanëna marëꞌ artaro aipi acopisoꞌ yaꞌipi ahuiquitërin. Ihuë, naꞌpiroꞌsaꞌ, amocan, iꞌsha mëntairinsoꞌ, inapitanta huiquitërin.

Éxodo 24:1

Ina quëran Siniorori, Moisësë itapon: —Naquëranchin Aaronëꞌquën nanpëintaquëꞌ. Iporasoꞌ huiꞌninpitanta huëntaꞌinaꞌ. Natapo, Apio, inapita huëntaꞌinaꞌ. Naporahuaton canchisë shonca Israiro ansianoꞌsantaꞌ, quëntaquëꞌ. Iso Sinai motopiquë nisarahuë niꞌton, huëntacoꞌ. Inahuaso napoaponahuëꞌ, ama coꞌchachin yaꞌcariꞌinacosohuëꞌ. Aquëchamiachin isonatonaꞌ, noꞌpaquë huarëꞌ monshopi quëran chinochinaco.

Éxodo 24:9

Ina quëran Moisësë, Aaron, Natapo, Apio, inapita motopiꞌpaꞌ pantapi. Canchisë shonca ansianoꞌsantaꞌ, inatohua pantapi.

Éxodo 40:27

Nani acohuachina, ina aipi yonarin pochin pimóchin nininsoꞌ, Sinioro marëꞌ aꞌpërin. Siniorori camairinso chachin yaꞌipi ninin.

Éxodo 8:27

Napoaton, inotëro parti pacaꞌhuaiso yaꞌhuërin. Cara tahuëri iratëraiꞌpaꞌ maꞌsha tëparahuatoi, Yosë chinotarai. Ina pochin camairincoi niꞌtoi napoarai, itërin.

Jeremías 19:5

Artaroroꞌsantaꞌ ninamaꞌ, Paaro moshatoma huiꞌnamapita yaꞌipi ahuiquitamaso marëꞌ. Inapocamasosoꞌ, co piꞌpian tëranta camaitërahuëꞌ. Co yonquiyatërarahuëꞌ.

Jeremías 7:31

Pini-inon motopianaquë Tohuito marëꞌ artaro nipi. Ina aipi huiꞌninapita ahuiquitopi. Inapocaisosoꞌ, co piꞌpian tëranta camairahuëꞌ. Co piꞌpian tëranta yonquiyatërarahuëꞌ.

Levítico 16:1

Aaron huiꞌninpita naꞌcon naꞌcon Sinioro yaꞌcariatonaꞌ, chiminpi. Ina piquëran Siniorori, Moisësë itapon: “Iya masho Aaron shaꞌhuitëquëꞌ nitochin. Chinotamacoso pëiquë noya noya patoana nininquësoꞌ, co topinan tahuëri yaꞌconaramahuëꞌ. Co anoyatërëhuaso caposonën aꞌtanamën notënanquë tëranta huanicaiso yaꞌhuërinhuëꞌ. Ina aipi, chitoroquë yáyaꞌnorahuë niꞌton, topinan tahuëri yaꞌconpatamaꞌ, chiminaramaꞌ, itëquëꞌ,” itërin.

Levítico 16:12

Ina quëran aꞌpëtinan masahuaton, artaroquë pënaya poꞌmochin. Inaso artaro, chinotërinacoso nëꞌmëtë pëi ótënpiso notënanquë yaꞌhuërin. Cato sëꞌtamo yonarin pochin pimóton nininsonta noya noya patoana itopiquë quëpaꞌin.

Deuteronomio 12:32

Yaꞌipi camairanquëmasopita, noꞌtëquën natëcoꞌ. Ama ina apancatocosohuëꞌ. Naporahuaton ama aꞌna nananya tëranta apahuantocosohuëꞌ,” itërin.

Deuteronomio 4:2

Sinioroso Yosënënpoa niꞌton, natëcaso marëꞌ naꞌcon camairinquëmasoꞌ, nani shaꞌhuitëranquëmaꞌ. Ama ina apancatocosohuëꞌ. Naporahuaton ama aꞌna nananya tëranta apahuantocosohuëꞌ.

Hebreos 9:4

Nëꞌmëtëꞌ yaꞌcariya aꞌna misaꞌhuaya yaꞌhuërin, oro quëran nipisoꞌ. Inaquë yonarin pochin pimóchin nininsoꞌ aꞌpëpi tomontacaso marëꞌ. Yosë caposonëontaꞌ yaꞌhuërin. Aipiran, acoporan, yaꞌipi oro quëran achinpitopi. Caposo acopoana yonsha oro quëran nipisoꞌ yaꞌhuërin. Inaquë piꞌpian cosharoꞌ Yosëri inápa quëran aꞌpaimarinsoꞌ poꞌmorin, mana itopisoꞌ. Aaron pitananëontaꞌ inaquë poꞌmorin. Inasoꞌ noyá yaniponahuëꞌ, Yosë nohuanton, aꞌnaroáchin papotantarin piyapinënpita yonquicaiso marëꞌ. Naporahuaton, catoꞌ naꞌpitëaꞌhuayantaꞌ inaquë acopi. Inaquë Yosë pënëntërinsoꞌ nani ninshitopi. Iráca anoyatërinsoꞌ itopisoꞌ.