Jueces 9:9 - Chayahuita (Shahui)

⁹ Oriporiso nipirinhuëꞌ, itapon: “Co nanitërahuëꞌ. Copirno yaꞌconpatosoꞌ, co huachi cá quëran toma ocoiyapihuëꞌ. Ina quëran piyapiroꞌsa Yosë noya nicatona chinotopi. Inahuara capinintaꞌ, noya ninicatona nipashitopi,” itërin.

Jueces 9:9 ပူးပေါင်းရင်းမြစ်များ

Copo naporinso' 1:7

Ina nicaton Siniorori itapon: —¿Intohuaranta huëꞌnan? itërin. —Itohua itohua pasoroꞌpaquë paꞌsárahuë, itërin Satanasëri.

Copo naporinso' 2:2

Naporoꞌ Siniorori itaantapon: —¿Intohuaranta huëantaran? itërin. —Itohua itohua pasoroꞌpaquë paꞌsárahuë, itërin Satanasëri.

Salmos 104:15

Oꞌotona noya ancantacaiso marëꞌ huinonta yaꞌhuëtopi. Yaꞌpirina tapacaiso marëꞌ tomanta yaꞌhuëtopi. Capatona chinicaiso marëꞌ paonta yaꞌhuëtopi.

Salmos 89:20

Inasoꞌ, Tapi. Piyapinëhuë huayonahuësoꞌ. Ca marëꞌ toma nipiquë opomototohuachina, copirno nicacaso marëꞌ acorahuë.

Hechos 10:38

Ina piquëran Yosëri chachin Quisocristo acorin, Nasaritoquë yaꞌhuërinsoꞌ. Yosë nohuanton, Ispirito Santori noyá yaꞌcoancantërin. Napoaton nani maꞌsha nanitaparin nicacasoꞌ. Nisha nisha parti paaton, nóya ninin. Naꞌa caniaꞌpiroꞌsaꞌ aꞌnaroáchin anoyatërin. Aꞌnaquën sopairi yaꞌcoancantërin niꞌton, chiníquën parisitopirinahuëꞌ, inari anoyatërin. Yosëri catahuarin niꞌton, aꞌnaroáchin anoyatërin.

Hechos 4:27

Iso ninanoquë chachin Sinioro, piyapiꞌsaꞌ yonquipi huiꞌnan tëpacaiso marëꞌ. Inasoꞌ nóya nipirinhuëꞌ, tëpapi. Quëmari acoranso nipirinhuëꞌ, co quëꞌyapihuëꞌ. Irotisë, Ponsio Pirato, nisha piyapiroꞌsaꞌ, israiroꞌsaꞌ, inapitari Quisoso noꞌhuipi.

1 Juan 2:20

Canpitaso nipirinhuëꞌ imaramaꞌ. Quisocristo nohuanton, Ispirito Santo yaꞌcoancantërinquëmaꞌ. Napoaton noꞌtëquën yonquiramaꞌ.

Jueces 9:10

Napotohuachina nararoꞌsasoꞌ, iquira nara yaꞌhuërëꞌ inachachin natanpi. Natanpirinahuëꞌ, inanta tapon: “Co nanitërahuëꞌ. Copirno yaꞌconpatosoꞌ, co huachi cashi cashin nininsopita nitapohuëꞌ,” tënin.

Jueces 9:8

‘Aꞌnarora nararoꞌsantaꞌ, copirno nohuantopi. Napoaton oripo nara natanpi: “Quëma copirnonëhuëi niquë topiraihuëꞌ,” itopi.