Jueces 9:17 - Chayahuita (Shahui)

¹⁷ Matianoꞌsa quëran nichaꞌëinquëmaso marëꞌ, inaso chiminchináchin ahuëtërin.

Jueces 9:17 ပူးပေါင်းရင်းမြစ်များ

Romanos 16:4

Iráca aꞌnapita yatëpapirinacohuëꞌ, inapita co chimirin tëꞌhuatatonaraihuëꞌ, catahuarinaco. Ina marëꞌ piꞌpíshachin shichiminaponaraihuëꞌ, catahuarinaco niꞌton, chaꞌërahuë. Ina marëꞌ “Yosparinquën,” itërahuë. Nisha piyapiꞌsaꞌ imapisopitarintaꞌ “Yosparinquën,” itopi inahuarintaꞌ.

Romanos 5:8

Quisocristoso nipirinhuëꞌ oshahuanoꞌsa marëꞌ chiminin. Oshahuanpirëhuahuëꞌ, yaꞌhuërëtërinpoaꞌ. Yosë nohuanton, canpoa marëꞌ chiminin. Napoaton: “Ma noyacha Yosë nosororinpoa paya,” tënëhuaꞌ.

Apocalipsis 12:11

Carniroaꞌhua chiminaton, huënainën quëran anoyacancantërinpoaꞌ niꞌton, sopai minsërëhuaꞌ. Nanamën shaꞌhuitatëhuaꞌ, minsërëhuaꞌ. Yatëpapirinënpoahuëntaꞌ, co aꞌporëhuahuëꞌ, tosapi.

Jueces 9:16

Iporasoꞌ carima shaꞌhuichinquëmaꞌ: Apimirico copirnonëma nicacaso marëꞌ acoatomaꞌ, co noyahuëꞌ ninamaꞌ. Nisha nisha cancantatoma naporamaꞌ. Tatahuësoꞌ iráca noya catahuapirinquëmahuëꞌ, canpitarisoꞌ co nosororamahuëꞌ. Quëmopinënpitantaꞌ, co inapotëramahuëꞌ.

Jueces 9:18

Canpitaso nipirinhuëꞌ, tatahuë huiꞌninpitacoi, aꞌporamacoi. Saota shonca iscon yaꞌpi pancaraꞌpi aipi tëparaꞌpiaramaꞌ. Casáchin chaꞌërahuë. Naporahuaton cosonanënquë huiꞌnahuaninsoꞌ, copirno nicacaso marëꞌ acoramaꞌ. Inaso Apimirico itëramaꞌ. Quëmopinëma nininso marëáchin acoramaꞌ.

1 Samuel 19:5

Naporoꞌ Coriato tëpapon, chiminchináchin ninin. Siniorori catahuarin niꞌton, ina quëran israiroꞌsanpoa nichaꞌërinpoaꞌ. Quëmaora chachin naporinso nicaton capa cancantëran. ¡Napoaton co tëpamaso yaꞌhuërinhuëꞌ! ¡Co manta onporinhuëꞌ! itërin.