Jueces 9:16 - Chayahuita (Shahui)

¹⁶ Iporasoꞌ carima shaꞌhuichinquëmaꞌ: Apimirico copirnonëma nicacaso marëꞌ acoatomaꞌ, co noyahuëꞌ ninamaꞌ. Nisha nisha cancantatoma naporamaꞌ. Tatahuësoꞌ iráca noya catahuapirinquëmahuëꞌ, canpitarisoꞌ co nosororamahuëꞌ. Quëmopinënpitantaꞌ, co inapotëramahuëꞌ.

Jueces 9:16 ပူးပေါင်းရင်းမြစ်များ

Jueces 6:32

Naporo quëran huarëꞌ Quiotionoso apoyatatonaꞌ: “Quiropaaro,” itopi. Paaro artaronën ohuatërinso marëꞌ: “Paarori chachin Quitiono ahuëcaso nohuantërëhuaꞌ,” taꞌtona ina pochin nohuitopi.

Jueces 8:35

Quiropaarorinta naꞌcon catahuapirinhuëꞌ, quëmopinënpita co nosoropihuëꞌ.

Jueces 9:15

Napotohuachinara, nahuanso tapon: “Tëhuënchachin copirnonëma nicaꞌhuasoꞌ nohuantohuatamaꞌ, yaꞌipinquëma huanirahuësoanaquë naꞌicoꞌ. Napoaponahuëꞌ, co copirnonëma nicaꞌhuaso nohuantohuatamahuëꞌ, cá quëran pën pipiarin. Yaꞌipi Nipano motopiroꞌsaquë nonara yaꞌhuërinso ataꞌhuantacaso marëꞌ pipiarin,” tënin inasoꞌ.’

Jueces 9:17

Matianoꞌsa quëran nichaꞌëinquëmaso marëꞌ, inaso chiminchináchin ahuëtërin.