Jueces 8:32 - Chayahuita (Shahui)

³² Quitionosoꞌ mashoya nicaquë huarëꞌ chiminin. Chiminpachina, ninanonën Opra itopiquë paꞌpitopi. Paꞌpincoꞌ Coasë itopisoꞌ paꞌpitopiquë chachin inantaꞌ, paꞌpitopi. Oprasoꞌ, Apisiro huëntonaꞌhua ninanonënaꞌ.

Jueces 8:32 ပူးပေါင်းရင်းမြစ်များ

Génesis 15:15

Quëmaso nipirinhuëꞌ, noyá mashoya nicama huarëꞌ chiminapon. Co parisitaranhuëꞌ. Inapoaton shimashonënpita quënancoanan.

Génesis 25:8

Nani noyá mashoya nipachina, mashori quëparin. Chiminpachina, shimashonënpita, quënancontarin huachi.

Copo naporinso' 42:17

Naporoꞌ Copo chiminin huachi. Noyá mashoya nicaquë huarëꞌ chiminin.

Copo naporinso' 5:26

Sharoꞌsa cayahuachina, manëꞌ. Inapochachin quëmantaꞌ, máshoya nipiranhuëꞌ, chinirápon.

Jueces 6:24

Napotohuachina Quitionosoꞌ aꞌnara artaro inaquë ninin. Sinioro chinotacaso marëꞌ ninin. Nani nisahuaton aninihuanin: “Sinioro asanocancaninpoaꞌ,” itërin. Ina artarosoꞌ, iso quirica ninshitasoco huarënta yaꞌhuërarin. Opra ninanoquë yaꞌhuërarin. Inaquësoꞌ, Apisiro huëntonaꞌhua israiroꞌsa yaꞌhuëpi.

Jueces 8:27

Ina oro asoquirahuaton Quitionosoꞌ aꞌnara corto huaꞌan cotonën pochin ninin. Inasoꞌ coton ipoto itopi. Ina nisahuaton ninanonën Opra itopiquë acorin. Inasáchin paꞌyatatona yaꞌipi israiroꞌsasoꞌ, co huachi Sinioroíchin paꞌyatopihuëꞌ. Ina moshaton Quitionontaꞌ, quëmopinënpitarë chachin nisha cancantopi.

Jueces 8:31

Siquimo ninanoquëntaꞌ, aꞌnara cosonanën yaꞌhuëtërin. Inaquënta huiꞌnahuanpachina Apimirico itërin.

Jueces 8:33

Quitiono chimininso piquëran israiroꞌsasoꞌ, Sinioro aꞌpoantapi. Paaro mamanshi nisha nisha nonanpisoꞌ moshacaiso marëꞌ aꞌpopi. Napoatona mamanshi Paaro-piri itopiso naꞌcon naꞌcon moshacaiso marëꞌ huayonpi.